ନୂଆଦିଲ୍ଲୀ: ଆଇଫୋନ ନିର୍ମାତା ଆମେରିକୀୟ କମ୍ପାନୀ ଆପଲ ଆସନ୍ତା ଦୁଇ ମାସରେ ଭାରତରେ ଏହାର ଅନଲାଇନ ଷ୍ଟୋର ଖୋଲିବାକୁ ପ୍ରସ୍ତୁତ ହେଉଛି। ମଙ୍ଗଳବାର ଏକ ସୂତ୍ରରୁ ଏହି ସୂଚନା ମିଳିଛି ।
ଏହି ଘଟଣା ସହ ଜଡିତ ସୂତ୍ରକୁ ଜଣାପଡିଛି କି, ଆପଲ ସେପ୍ଟେମ୍ବର-ଅକ୍ଟୋବରରେ ଏହାର ଅନଲାଇନ ଷ୍ଟୋର ଖୋଲିବାକୁ କାମ ଜାରି ରଖିଛି । ଆଗକୁ ପାର୍ବଣ ଆସୁଥିବାରୁ ସେହି ସମୟରେ ଏହାକୁ ଖୋଲିବାକୁ କମ୍ପାନୀର ଯୋଜନା ରହିଛି । ଯାହା ଫଳରେ ଦଶହରା ଓ ଦୀପାବଳୀ ସମୟରେ ଚାହିଦା ବଢିବା ସହ ଭଲ ପ୍ରଫିଟ ମିଳିବ ବୋଲି କମ୍ପାନୀ ଆଶା କରିଛି ।
ଏ ସମ୍ବନ୍ଧରେ କମ୍ପାନୀକୁ କରାଯାଇଥିବା ଇମେଲର ଜବାବ ମିଳିନାହିଁ । ତଥ୍ୟ ଅନୁଯାୟୀ ଆପଲ ସିଇଓ ଟିମ୍ କୁକ୍ ଚଳିତ ବର୍ଷ ଶେଷ ସୁଦ୍ଧା ଭାରତରେ ଆପଲ ଅନଲାଇନ ଷ୍ଟୋର୍ ଖୋଲିବା ନେଇ ଫେବୃଆରୀରେ କହିଛନ୍ତି।
