କାବୁଲ: 20 ବର୍ଷ ପରେ ପୁଣି ସତ୍ତାକୁ ଫେରିଥିବା ତାଲିବାନ ଏବେ ଆମେରିକାକୁ ଆଖି ଦେଖାଇଛି । ବର୍ତ୍ତମାନ ଆଫଗାନିସ୍ତାନ ଆକାଶ ମାର୍ଗରେ ଆମେରିକାର ଡ୍ରୋନ କାର୍ଯ୍ୟ କରୁଛି । ଯାହାକୁ ନେଇ ସଂଯୁକ୍ତ ରାଷ୍ଟ୍ର ଆମେରିକାକୁ ଚେତାବନୀ ଦେଇଛି ତାଲିବାନୀ ସରକାର । ଯଦି ଆମେରିକା କୌଣସି କୁପରିଣାମ ଭୋଗିବାକୁ ଚାହୁଁନି ତେବେ ଆଫଗାନ ଆକାଶ ମାର୍ଗରେ ଡ୍ରୋନ ନ ଚଳାଇବାକୁ କହିଛି ତାଲିବାନ ।
କହିରଖୁଛୁ କି, ତାଲିବାନୀ ସରକାରର ଏହି ବୟାନ ଆତଙ୍କୀଙ୍କ ଉପରେ ଆମେରିକାର ଡ୍ରୋନ ଆକ୍ରମଣ ଘଟଣା ଉପରେ ପର୍ଯ୍ୟବେଶିତ । ଯେଉଁ ଆକ୍ରମଣରେ ଭୁଲବଶତଃ ଅନେକ ନିର୍ଦ୍ଦୋଷ ପ୍ରାଣ ହରାଇଥିଲେ ।
ତାଲିବାନ ମୁଖପାତ୍ର ଜବୀହୁଲ୍ଲାହ ମୁଜାହିଦ ଆମେରିକାର ପଦକ୍ଷେପକୁ ଜାତୀୟ ନିରାପତ୍ତାର ଉଲ୍ଲଙ୍ଘନ ବୋଲି କହିଛନ୍ତି ଏବଂ ସମସ୍ତ ଦେଶକୁ ପରସ୍ପରର ଦାୟିତ୍ବ ଅନୁଯାୟୀ କାର୍ଯ୍ୟ କରିବାକୁ ଚେତାବନୀ ଦେଇଛନ୍ତି । ନଚେତ୍ ଏହାର ଫଳ ଭୋଗିବାକୁ ପ୍ରସ୍ତୁତ ରହିବାକୁ କହିଛି ତାଲିବାନ । ଆଫଗାନିସ୍ତାନର ଆଇଇଏ ଦ୍ବାରା ମଙ୍ଗଳବାର ଜାରି ଏକ ବୟାନରେ କୁହାଯାଇଛି, ସବୁ ଦେଶ ଅନ୍ତରାଷ୍ଟ୍ରୀୟ ଆଇନ ଅନୁଯାୟୀ ନିଜ ନିଜ ଦେଶର ଉଭୟ ସ୍ଥଳ ଓ ଆକାଶ ମାର୍ଗର ମାଲିକ ଅଟନ୍ତି । ଏହି କ୍ରମରେ ଆଫଗାନିସ୍ତାନ ମଧ୍ୟ ନିଜ ସ୍ଥଳ ଓ ଆକାଶ ମାର୍ଗର ସଂରକ୍ଷକ ଅଟେ । ହେଲେ ନିକଟରେ ସଂଯୁକ୍ତ ରାଷ୍ଟ୍ର ଆମେରିକା ଏହି ନିୟମ ଉଲ୍ଲଙ୍ଘନ କରି ଆଫଗାନିସ୍ତାନର ଆକାଶ ମାର୍ଗରୁ ଡ୍ରୋନ ଆକ୍ରମଣ କରିଥିଲା । ତେଣୁ ତୁରନ୍ତ ଏହି କାର୍ଯ୍ୟରୁ ନିବୃତ୍ତ ରହିବାକୁ ସେ ଧମକ ଦେଇଛି ।
@PTI
