ରାଜସ୍ଥାନ: ରାଜସ୍ଥାନ ବିଶ୍ବବିଦ୍ୟାଳୟରେ ଲଜ୍ଜା । ପ୍ରଫେସରଙ୍କ ନାମରେ ସାଂଘାତିକ ଅଭିଯୋଗ ଆଣିଲେ ଛାତ୍ରୀ । ସେମିଷ୍ଟାରରେ ପାସ କରାଇବା ନେଇ ପ୍ରଫେସର ଛାତ୍ରୀଙ୍କ ଶାରୀରିକ ସମ୍ବନ୍ଧ ରଖିବାକୁ କହିଥିବା ଅଭିଯୋଗ କରିଛନ୍ତି ରାଜସ୍ଥାନ ବୈଷୟିକ ବିଶ୍ବବିଦ୍ୟାଳୟର ଛାତ୍ରୀ । ଏହି ଘଟଣା ବାବଦରେ ଛାତ୍ରୀ ଜଣକ ଦାଦାବାଡି ଥାନା ପୋଲିସରେ ଆସୋସିଏଟ ପ୍ରଫେସର ଗିରିଶ ପରମାରଙ୍କ ବିରୋଧରେ ଏକ ମାମଲା ରୁଜୁ କରିଛନ୍ତି । ଏହି ଏତଲାରେ ଅନ୍ୟ ଛାତ୍ର ଅର୍ପିତ ନାମ ମଧ୍ୟ ସାମିଲ ରହିଛି । ଯାହା ଦ୍ବାରା ଆସୋସିଏଟ ପ୍ରଫେସର କିଛି ଛାତ୍ରୀଙ୍କ ସେମିଷ୍ଟାରରେ ମାର୍କ ବଢାଇବା ଏବଂ ତାଙ୍କ ସହିତ ଶାରୀରିକ ସମ୍ବନ୍ଧ ରଖିବାକୁ କହିଥିଲେ ।
ସୂଚନା ଅନୁସାରେ, ରାଜସ୍ଥାନ ବୈଷୟିକ ବିଶ୍ବବିଦ୍ୟାଳୟର ଛାତ୍ରୀମାନେ ଅଭିଯୋଗ କରିଛନ୍ତି କି ଆସୋସିଏଟ ପ୍ରଫେସର ଗିରିଶ ପରମାର ଛାତ୍ରୀମାନଙ୍କୁ ଟାର୍ଗେଟ କରିଥିଲେ । ଏହା ପରେ ଅନ୍ୟ ଛାତ୍ର ଅର୍ପିତ ମାଧ୍ୟମରେ ଆସୋସିଏଟ ପ୍ରଫେସର ଜଣଙ୍କ ଶାରୀରିକ ସମ୍ବନ୍ଧ ରଖିବାକୁ କହିଥିଲେ । ଅଭିଯୋଗ କରିଥିବା ଛାତ୍ରୀ କହିଛନ୍ତି ଯେ ତାଙ୍କୁ ପରୀକ୍ଷାରେ ଫେଲ କରିଦିଆଯାଇଥିଲା । ଏହା ମଧ୍ୟ କୁହାଯାଇଥିଲା କି ସେ କେବେବି ଇଞ୍ଜିନିୟରିଂ ପାସ କରି ପାରିବେ ନାହିଁ । ତାଙ୍କର ବ୍ୟାକ କ୍ଲିୟର କରାଯିବ ନାହିଁ । ଏହି ଘଟଣା ପରେ ସେ ଡିପ୍ରେସନକୁ ଚାଲିଯାଇଥିଲେ । ଆତ୍ମହତ୍ୟା କରିବା ପାଇଁ ଚିନ୍ତା କରିଥିଲେ । ଏହା ପରେ ସେ ଏହି ଘଟଣା ବାବଦରେ ତାଙ୍କ ସାଙ୍ଗକୁ କହିଥିଲେ । ସେ ତାଙ୍କର ସାହସ ବଢାଇ ଏହି ଘଟଣା ବାବଦରେ ପରିବାର ଲୋକଙ୍କୁ ଜଣାଇବାକୁ କହିଥିଲେ ।
ସେପଟେ ଏହି ଘଟଣାର ଦାଦାବଡି ଥାନାଧିକାରୀ କହିଛନ୍ତି ଯେ ରାଜସ୍ଥାନ ବୈଷୟିକ ବିଶ୍ବବିଦ୍ୟାଳୟର ଆସୋସିଏଟ ପ୍ରଫେସର ଗିରିଶ ପରମାରଙ୍କ ବିରୋଧରେ ଏକ ମାମଲା ରୁଜୁ କରାଯାଇଛି । ଏନେଇ ତଦନ୍ତ ଜାରି ରହିଛି । ଏହି ଘଟଣାରେ ସମ୍ପୃକ୍ତ ଅର୍ପିତ ନାମକ ଏକ ଛାତ୍ର ନାମରେ ମଧ୍ୟ ଏତଲା ଦିଆଯାଇଛି ।
