ରାୟପୁର: ଛତିଶଗଡ ପୋଲିସ 11 ଜଣ ବ୍ରାଉନସୁଗାର ଚାଲାଣକାରୀଙ୍କୁ ଗିରଫ କରିଛି । ଏଥିସହ ମାମଲାରେ ସମ୍ପୃକ୍ତ ଥିବା 2 ଜଣ ମହିଳାଙ୍କୁ ପୋଲିସ ଖୋଜୁଛି ।
ସୂଚନା ଅନୁଯାୟୀ ଛତିଶଗଡ ପୋଲିସ ଏକ ଲକ୍ଷ 5 ହଜାର ଟଙ୍କାର ବ୍ରାଉନସୁଗାର ଜବତ କରିଛି । ଏଥିସହ 15ଟି ମୋବାଇଲ ଫୋନ ଜବତ କରିଥିବାବେଳେ 11 ଜଣ ଡ୍ରଗ୍ସ ଚାଲାଣକାରୀଙ୍କୁ ଗିରଫ କରିଛି । ଜବତ ହୋଇଥିବା ମୋବାଇଲ ଫୋନକୁ ନେଇ ପୋଲିସ ଅଧିକ ତଦନ୍ତ ଆରମ୍ଭ କରିଛି । ମୋବାଇଲ ଚାର୍ଟ ଏବଂ କଲ ଲିଷ୍ଟ ଜରିଆରେ ପୋଲିସ ଅନ୍ୟ ଚାଲାଣକାରୀଙ୍କୁ ଧରିବାକୁ ଚେଷ୍ଟା କରୁଛି ।
ତେବେ ଛତିଶଗଡର ଯୁବପୀଢୀ ବର୍ତ୍ତମାନ ସମୟରେ ଅଧିକ ମାତ୍ରାରେ ଦାମୀ ଡ୍ରଗ୍ସ ସେବନ କରୁଥିବା ଜଣାପଡିଛି । ପ୍ରଥମେ ରାଜ୍ୟରେ ଆଲକହଲ, କାନାବିଜ ଏବଂ ଅଫିମ ମିଳୁଥିଲା । ହେଲେ ଏବେ ଦାମୀ ଏବଂ ବ୍ୟାନ କରାଯାଇଥିବା ଡ୍ରଗ୍ସ ଉପଲବ୍ଧ ହେଉଛି । ରାଜଧାନୀ ରାୟପୁର, ବିଳାସପୁର ଏବଂ ଭିଲାଇ ସହର ଡ୍ରଗ୍ସ ବ୍ୟବସାୟର ହଟସ୍ପଟ ପାଲଟିଛି । ଏଲଏସଡି, ଏମଡିଏମଏ, ଏମ-ସିଏଟି ଏବଂ କୋକେନ ଭଳି ମାରାତ୍ମକ ଏବଂ ହାଇଡିମାଣ୍ଡର ଡ୍ରଗ୍ସ ଉପଲବ୍ଧ ହେଉଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
