ହାଇଦ୍ରାବାଦ: ପୁଣି ଫିଲ୍ମ ଜଗତ ପାଇଁ ଆସିଲା ଦୁଃଖଦ ଖବର । ଅଦିନରେ ଅବେଳରେ ଦୁନିଆକୁ ଅଲବିଦା କହିଲେ ଆଉ ଜଣେ ଅଭିନେତା । ଆଉ ନାହାନ୍ତି ତାମିଲ ସିନେମା ଜଗତର ଅଭିନେତା ଡାନିଏଲ ବାଲାଜୀ । ୪୮ ବର୍ଷ ବୟସରେ ହୃଦଘାତରେ ଅଭିନେତା ଆଖି ବୁଜିଛନ୍ତି । ଡାନିଏଲଙ୍କ ଅକାଳ ବିୟୋଗ ଖବର ସେଲିବ୍ରିଟି ସମେତ ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଛି । ତାଙ୍କର ଦେହାନ୍ତରେ ପରିବାର ଏବଂ ସିନେ ଜଗତରେ ଶୋକର ଛାୟା ଖେଳିଯାଇଛି । ସୋସିଆଲ ମିଡିଆରେ ସେଲିବ୍ରିଟି ସମେତ ଫ୍ୟାନ୍ସ ତାଙ୍କୁ ଶ୍ରଦ୍ଧାଞ୍ଜଳି ଦେବା ସହ ପରିବାରକୁ ସମବେଦନା ଜଣାଇଛନ୍ତି ।
ରିପୋର୍ଟ ଅନୁସାରେ, ଅଭିନେତା ଗତକାଲି (ଶୁକ୍ରବାର) ରାତିରେ ହୃଦଘାତରେ ଶିକାର ହୋଇଥିଲେ । ଏନେଇ ପରିବାର ଲୋକେ ତାଙ୍କୁ ନିକଟସ୍ଥ ଏକ ହସ୍ପଟାଲରେ ଭର୍ତ୍ତି କରିଥିଲେ । ହେଲେ ସେଠାରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ତେବେ ଆଜି ତାଙ୍କର ଶେଷକୃତ୍ୟ ସମ୍ପନ୍ନ ହେବ ବୋଲି ସୂଚନା ମିଳିଛି । ବାଲାଜୀ ଲୋକପ୍ରିୟ ତାମିଲ ଡେଲି ସୋପ ଅପେରା 'ଚିଠି'ରେ ଡାନିଏଲଙ୍କ ଚରିତ୍ରରେ ଅଭିନୟ କରି ଅଭିନେତା ଟେଲିଭିଜନରେ ତାଙ୍କର ଅଭିନୟ ଯାତ୍ରା ଆରମ୍ଭ କରିଥିଲେ । ସେହିପରି ସିଲଭର ସ୍କ୍ରିନରେ ପାଦ ଦେଇ ସେ 2002ରେ ତାମିଲ ରୋମାଣ୍ଟିକ ଡ୍ରାମା ଏପ୍ରିଲ ମଧାଥିଲରେ ଅଭିନୟ କରିଥିଲେ ।
ଆରମ୍ଭରେ ଡାନିଏଲ୍ ବାଲାଜୀ କମଲ ହାସନଙ୍କ ଅଧୁରା ଭାରତୀୟ ଐତିହାସିକ ଡ୍ରାମା ମରୁଧନାୟଗାମର ସେଟରେ ଏକ ୟୁନିଟ୍ ପ୍ରଡକ୍ସନ୍ ମ୍ୟାନେଜର ଭାବରେ କାର୍ଯ୍ୟ କରିଥିଲେ । ତାଙ୍କୁ ଟେଲିଭିଜନ ଧାରାବାହିକ ଡ୍ରାମା ଚିଠିରେ ଅଭିନୟ ପାଇଁ ତାଙ୍କ ଭୂମିକା ସହିତ ଖ୍ୟାତି ଅର୍ଜନ କରିଥିଲେ । ଦ୍ୱିତୀୟ ଥର ପାଇଁ ଜିଭିଏମ୍ ସହିତ ସହଯୋଗ କରି ସେ କମଲ ହାସନ ଷ୍ଟାରର୍ ଫିଲ୍ମ ବେଟ୍ଟାୟାଡୁ ବିଲିୟାଡୁରେ ଅମୁଦ୍ଧନଙ୍କ ଭୂମିକାରେ ଅଭିନୟ କରିଥିଲେ ।
ଏହା ମଧ୍ୟ ପଢନ୍ତୁ-ହୃଦଘାତରେ ଆଖିବୁଜିଲେ ଲୋକପ୍ରିୟ ଟିଭି ତାରକା ଋତୁରାଜ ସିଂହ
ବାଲାଜୀ ମାମୁଟିଙ୍କ ବ୍ଲାକ୍ ସହିତ ମାଲାୟାଲମ୍ ସିନେମାରେ ପ୍ରବେଶ କରିଥିଲେ । ମୋହନଲାଲଙ୍କ ଭଗବାନ୍ ଏବଂ ମାମୁଟିଙ୍କ ଡାଡି କୁଲ୍ରେ ଖଳନାୟକ ଭୂମିକାରେ ଅଭିନୟ କରିଥିଲେ । ସେ ତାଙ୍କ ପୂରା କ୍ୟାରିଅରରେ ପୋଲିସ ଡ୍ରାମା କାଖା କାଖାରେ ଯାଞ୍ଚ ଅଧିକାରୀ, ଧନୁଷଙ୍କ ଆକ୍ସନ ଫିଲ୍ମ ଚେନ୍ନାଇ ମେ ଗ୍ୟାଙ୍ଗଷ୍ଟାର ଭାସ୍କରମ୍ ଓ ଭେଙ୍କଟେଷଙ୍କ ତେଲୁଗୁ ଆକ୍ସନ ଥ୍ରିଲର ଫିଲ୍ମ ଘରସାନାରେ ଜଣେ ପୋଲିସ ଅଧିକାରୀ ଭୂମିକାରେ ଅଭିନୟ କରିଥିଲେ ।
