ହାଇଦ୍ରାବାଦ: ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଏହିପରି ଅନେକ ଚଳଚ୍ଚିତ୍ର ନିର୍ମିତ ହୋଇଛି ଯାହା ସତ ଘଟଣା ଉପରେ ଆଧାରିତ । କେବଳ ବଡ଼ ପରଦାରେ ନୁହେଁ, ଓଟିଟି ପ୍ଲାଟଫର୍ମରେ ମଧ୍ୟ ଏପରି ଅନେକ କାହାଣୀ ଦର୍ଶାଯାଇଛି । ଏପରି ସମୟରେ ବର୍ତ୍ତମାନ ଆଇପିଏଲ ସ୍କାମ ନେଇ ପ୍ରସ୍ତୁତ ହେବାକୁ ଯାଉଛି ଏକ ବଲିଉଡ ଫିଲ୍ମ । ଏହି ଫିଲ୍ମକୁ 'ଫିର ଆଇ ହସିନ୍ ଦିଲ୍ରୁବା', 'କୋନ ପ୍ରବୀଣ ତମ୍ୱେଟ' ଏବଂ 'ମୁଖବୀର' ଫେମ ନିର୍ଦ୍ଦେଶକ ଜୟପ୍ରଦ ଦେଶାଇ ଏହାକୁ ନିର୍ମାଣ କରିବାକୁ ଯାଉଛନ୍ତି ।
ବର୍ତ୍ତମାନ ସମୟରେ ଆଇପିଏଲ ୨୦୨୪ ଜାରି ରହିଥିବା ବେଳେ ଲୋକଙ୍କ ମଧ୍ୟରେ ଏହାକୁ ନେଇ ଏକ ଭିନ୍ନ କ୍ରେଜ ରହିଛି । ଏହି ସମୟରେ ୨୦୨୨ରେ ଆଇପିଏଲକୁ ନେଇ ହୋଇଥିବା ଠକାମିର ରାଜ ଖୋଲିବାକୁ ଆସୁଛନ୍ତି ଜୟପ୍ରଦ ଦେଶାଇ । ସେ ଏନେଇ ଏକ ଫିଲ୍ମ ନିର୍ମାଣ କରିବାକୁ ଥିବା ବେଲେ ସେ ନିଜେ ହିଁ ଏହାର ନିର୍ଦ୍ଦେଶନା ଦେବେ । ଏହି ଚଳଚ୍ଚିତ୍ରଟି ଲେଖକ ଫାରାଜ ଅହସାନଙ୍କ ପୁସ୍ତକ 'ପ୍ରଥମ କପି'ରୁ ଅନୁକରଣ କରାଯାଇଛି । ତେବେ ଫିଲ୍ମର ଟାଇଟଲ୍ ଏପର୍ଯ୍ୟନ୍ତ ପ୍ରକାଶ କରାଯାଇନାହିଁ ଏବଂ ଏହି ଚଳଚ୍ଚିତ୍ରର ସ୍କ୍ରିପ୍ଟ ହୁସେନ୍ ଡାଲାଲ ଏବଂ ଅବ୍ବାସ ଡାଲାଲଙ୍କ ଦ୍ୱାରା କରାଯାଇଛି । ଏହି ସମୟରେ ଫିଲ୍ମର ପ୍ରଡକ୍ସନ୍ କାମ ଖୁବଶୀଘ୍ର ଆରମ୍ଭ ହେବାକୁ ଯାଉଛି ।
ଏହା ମଧ୍ୟ ପଢନ୍ତୁ: ମହାଦେବ ବେଟିଂ ଆପ୍ ମାମଲାରେ ଅଭିନେତା ସାହିଲ ଖାନ ଗିରଫ
୨୦୨୨ରେ ହୋଇଥିଲା ଆଇପିଏଲ ସ୍କାମ
ସୂଚନା ଥାଉ କି, ୨୦୨୨ ମସିହାରେ ଏକ ବଡ ଆଇପିଏଲ୍ ସ୍କାମ ଘଟିଥିଲା ଯେଉଁଥିରେ କିଛି ଗ୍ରାମବାସୀ କ୍ରିକେଟ୍ ଟୁର୍ଣ୍ଣାମେଣ୍ଟ ଆୟୋଜନ କରି ଆଇପିଏଲ୍ ନାମରେ ଋଷୀୟ ଲୋକଙ୍କୁ ଠକିଥିଲେ । ଏହି ନକଲି ଟୁର୍ଣ୍ଣାମେଣ୍ଟ ଦୁଇ ସପ୍ତାହ ପାଇଁ ୟୁଟ୍ୟୁବରେ ସିଧା ପ୍ରସାରଣ କରାଯାଇଥିଲା । ଏଥିପାଇଁ ଏକ ନକଲି ଟେଲିଗ୍ରାମ ଚ୍ୟାନେଲ ମଧ୍ୟ ତିଆରି କରାଯାଇଥିଲା । ଯେତେବେଳେ ଏହି ଘଟଣା ସାମ୍ନାକୁ ଆସିଲା, ଫାଇନାଲ ମ୍ୟାଚ୍ ପାଇଁ ଋଷିଆ ବୁକିଜ୍ ଦ୍ୱାରା ୩ ଲକ୍ଷ ଟଙ୍କା ରଖାଯାଇଥିବା ଦେଖିବାକୁ ମିଳିଥିଲା । ତେବେ ଫିଲ୍ମ ଏହି ମାମଲାର ଉପରୁ ପରଦା ହଟାଇବ ବୋଲି ଜଣାପଡିଛି । ସେପଟେ ସମ୍ପୂର୍ଣ୍ଣ ମାମଲା ଜାଣିବାକୁ ଉତ୍ସାହର ସହ ଫିଲ୍ମକୁ ଅପେକ୍ଷା କରିଛନ୍ତି ।
ଏହା ମଧ୍ୟ ପଢନ୍ତୁ: ବ୍ୟାନ ହଟିବା ପରେ ଭାରତରେ ପୁଣି ଅତିଫଙ୍କ ଜଲୱା, ମାଲାୟାଲମରେ କରିବେ ଡେବ୍ୟୁ
