पाळीव प्राणी तुमच्या जवळ झोपतात का? जाणून घ्या काय होतं नुकसान

author img

By ETV Bharat Marathi Team

Published : Feb 6, 2024, 1:17 PM IST

Sharing Bed With Pet Animal

Sharing Bed With Pet Animal : प्राणी प्रेमींसाठी त्यांचे पाळीव प्राणी कुटुंबातल्या सदस्यासारखे असतात. त्यांना त्यांच्यासह खाणं, पिणं, फिरणं, झोपणं आणि खेळणं आवडतं. पण, या पाळीव प्राण्यांमुळं तुम्हाला अनेक आरोग्य समस्याही उद्भवू शकतात.

हैदराबाद Sharing Bed With Pet Animal : प्राणी प्रेमी नेहमीच प्राण्यांचे आधिक लाड करतात. तर कधीकधी पाळीव प्राणी त्यांना जिभेने चाटतात. ज्या लोकांना कुत्रे-मांजर आवडतात, त्यांच्यासाठी हे सामान्य आहे. याकडं पाळीव प्राण्याचं प्रेम व्यक्त करण्याची पद्धत म्हणून पाहिलं जातं. परंतु पाळीव प्राण्यांना किस केल्याने मानवाला अनेक प्रकारच्या संक्रमणाचा धोका असू शकतो. तसेच पाळीव प्राण्यांसह रात्री बेड शेअर शेअर केल्याने देखील तुमच्या आरोग्याला धोका होवू शकतो.

मानवी आरोग्यास धोका : तुम्ही रात्री झोपल्यावर तुमचा मांजर किंवा कुत्रा तुमच्या पलंगावर येऊन झोपत असेल. परंतु प्राण्यासाठी ही जागा याेग्य आहे का? जर तुम्ही तुमचा बेड तुमच्या पाळीव प्राण्यासोबत शेअर करत असाल तर सावधान. यामुळं आरोग्यावर परिणाम होवू शकतो. एका संशोधनात असं दिसून आलं आहे की, अंदाजे 90 टक्के युरोपियन कुटुंबांमध्ये किमान एक तरी पाळीव प्राणी आहे. 45 टक्के कुत्रे आणि 60 टक्के मांजरींना बेडवर झोपण्यासाठी तेथे परवानगी आहे. तर 18 टक्के कुत्री आणि 30 टक्के मांजरी हे मालकासह बेडवर झोपतात. पाळीव प्राण्यासोबत खेळणं हे आनंददायक असलं तरी, यामुळं मानवी आरोग्यास धोका होऊ शकतो.

कुटुंबांना आजारपणाचा धोका : पाळीव प्राणी घरी हानिकारक जीवाणू, विषाणू असे सूक्ष्मजीव आणू शकतात. ज्यामुळं ते राहत असलेल्या कुटुंबांना आजारपणाचा धोका उद्भवू शकतो. म्हणूनच शक्य असल्यास तुम्ही तुमच्या पाळीव प्राण्याबरोबर बेड शेअर करू नका. ज्यामुळं तुम्ही निरोगी आणि स्वस्थ राहू शकाल. तसेच जीवाणू किंवा विषाणूंचा संसर्ग होऊ नये यासाठी पाळीव प्राणी आणि त्याच्या इतर वस्तूंची काळजी घेणं महत्त्वाचं आहे.

हेही वाचा -

  1. बोर्डाच्या परीक्षेची काळजी मुलांच्या मानसिक आरोग्यावर करू शकते परिणाम, करा हे उपाय
  2. माता झाल्यानंतर महिला नैराश्याग्रस्त होण्याचं काय असतं कारण? जाणून घ्या 'पोस्टपार्टम डिप्रेशन'
  3. तुमचे मूल देखील मूडी आहे का ? 'या' पद्धती वापरून सुटू शकतात समस्या
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.