रजनीकांतला इकॉनॉमी क्लासमध्ये पाहून सहप्रवाशांना गगन ठेंगणे

author img

By ETV Bharat Marathi Team

Published : Mar 1, 2024, 10:57 AM IST

Rajinikanth

सुपरस्टार रजनीकांतला विमानाच्या इकॉनॉमी क्लासमध्ये पाहून सहप्रवाशांच्या आनंदाला सीमा राहिली नाही. त्याच्यासह सेल्फी घेत अनेकांनी व्हिडिओ बनवले आहे. सोशल मीडियावर हे फोटो आणि व्हिडिओ व्हायरल झाले आहेत.

मुंबई - सुपरस्टार रजनीकांत कुठेही गेला तरी त्याला पाहणे हे चाहत्यांसाठी आणि तमाम प्रेक्षकांसाठी नेहमीच औत्सूक्याचा विषय ठरतो. जर तुम्ही कुठूनतरी प्रवास करत असाल आणि सहप्रवाशी म्हणून जर रजनीकांत असेल तर लोकांची काय अवस्था होऊ शकत असेल याची तुम्ही कल्पना करु शकतात. असाच काहीसा अनुभव आंध्र प्रदेशातील कडप्पाहून चेन्नईला जाणाऱ्या विमान प्रवाशांना आला. या विमानात रजनीकांत चढला आणि त्याने इकॉनॉमी क्लासमधून प्रवास केला. त्यामुळे सहप्रवाशांमध्ये एक आश्चर्य दिसून आले. या विमानातून प्रवास करणाऱ्या अभिनेता जीवाने रजनीकांतसह सेल्फी घेतला आणि या चकित करणाऱ्या रजनीकांतच्या सहवासातील विमान प्रवासाची गोष्ट इन्स्टाग्रामवरुन सांगितली.

इकॉनॉमीमध्ये उड्डाण करणाऱ्या रजनीकांतचे व्हिडिओ ऑनलाइन प्रसारित झाले आहेत. यामध्ये त्याने एअरपॉड्स घातले आहेत आणि त्याच्याशी चाहते संवाद साधताना दिसत आहेत. रजनीकांतच्या सानिध्यात असलेल्या चाहत्यांना झालेला आनंद त्यांच्या चेहऱ्यावरुन स्पष्ट दिसत आहे. रजनीकांतने त्यांच्यासह उड्डाण करून चाहत्यांना आनंदित करण्याची ही पहिलीच वेळ नाही. 2023 मध्येही त्याने 'जेलर' चित्रपटाच्या रिलीजपूर्वी सहप्रवाशांसह विमान प्रवास एन्जॉय केला होता.

चेन्नईमध्ये आल्यानंतर अभिनेता जीवाने रजनीकांत बरोबरच्या त्याच्या भेटीचे फोटो आणि व्हिडिओ शेअर केले, त्या अनुभवाचे इंस्टाग्रामवर उत्साहाने वर्णन केले. "द सुपरस्टार रजनीकांत सरांसोबत उंच उडत आहे!" असे त्याने कॅप्शनमध्ये लिहिले आहे.

रजनीकांतच्या आगामी चित्रपटाबद्दल बोलायचे तर 'लाल सलाम' या अलिकडेच रिलीज झालेल्या चित्रपटात त्यांनी काम केले होते. सध्या तो टीजे ज्ञानवेल दिग्दर्शित 'वेट्टयान'चे चित्रीकरण करत आहेत. एका व्हायरल व्हिडिओमध्ये रजनीकांत पोलिसाच्या वर्दीत काम करत असल्याचे दिसले होते. या चित्रपटामध्ये अमिताभ बच्चन, फहाद फासिल, राणा दग्गुबती, मंजू वॉरियर आणि दुशारा विजयन देखील आहेत. अनिरुद्ध रविचंदर या चित्रपटासाठी संगीत देत आहेत, मार्चपर्यंत याची निर्मिती पूर्ण होण्याची अपेक्षा आहे.

हेही वाचा -

  1. जीतू भैय्या नव्या आव्हानासाठी पुन्हा सज्ज, 'कोटा फॅक्टरी सीझन 3' चा टीझर रिलीज
  2. वरुण, क्रिती ते विक्रांत मॅसीपर्यंत बॉलिवूड सेलेब्रिटींनी केले दीपिका-रणवीरचे अभिनंदन
  3. अनंत अंबानी, राधिका मर्चंट यांनी लग्न विधी सुरू होण्यापूर्वी केली 'अन्न सेवा'
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.