मुंबई - Mothers Day 2024 : आज 12 मे रोजी जगभरात मदर्स डे साजरा केला जात आहे. या खास दिवशी चित्रपटसृष्टीतील अनेक स्टार्सनं काही पोस्ट सोशल मीडियावर शेअर केल्या आहेत. रकुल प्रीत सिंग, टायगर श्रॉफ, बिपाशा बसू, राम चरणची पत्नी उपासना यांच्यासह अनेक सेलिब्रिटींनी मदर्स डेच्या शुभेच्छा दिल्या आहेत.
रकुल प्रीत सिंग : मदर्स डेच्या दिवशी, अभिनेत्री रकुल प्रीतनं तिच्या इंस्टाग्राम स्टोरीवर आई आणि सासूबरोबरचे काही फोटो कोलाज करून एक व्हिडिओ शेअर केला आहे. या पोस्टमध्ये तिनं सुंदर कॅप्शन देखील दिलंय. रकुलनं पोस्ट शेअर करत कॅप्शनमध्ये लिहिलं, "आई आणि सासू माझ्या आयुष्यात तुम्ही दोघी मिळाल्यानं मला खूप आनंद झाला आहे. तुम्ही दोघेही रॉकस्टार आहात. मम्मा, तू माझ्यासाठी नेहमीच उपस्थित राहिली आहेस, मला मार्गदर्शन केलं आहे आणि चांगल्या आणि वाईट काळात मला साथ दिली आहेस. तुमचे प्रेम आणि पाठिंबा माझ्यासाठी खूप महत्त्वाचा आहे."
उपासना कामिनेनी कोनिडेला : साऊथ स्टार राम चरणची पत्नी उपासनानं एक सुंदर व्हिडिओ इंस्टाग्राम स्टोरीवर शेअर केला आहे. या व्हिडिओमध्ये एक पेटिंग दिसत यावर हॅप्पी मदर्स डे लिहिलं आहे.
सुष्मिता सेन : अभिनेत्री सुष्मिता सेनची इन्स्टाग्राम स्टोरीवर आपल्या आई आणि मुलींनबरोबरचे फोटो शेअर करून मदर्स डेच्या शुभेच्छा दिल्या आहेत.
कंगना राणौत : बॉलीवुड क्वीन कंगना रणौतनं एक खूप खास फोटो इन्स्टाग्राम स्टोरीवर शेअर केला आहे. या फोटोमध्ये तिची आई ही एका छोट्या मुलाला घेऊन आहे.
नीतू कपूर : अभिनेत्री नीतू कपूरनं इंस्टाग्राम स्टोरीवर एक जुना फोटो शेअर केला आहे. याशिवाय नीतूनं आपल्या मुलीबरोबरचा फोटो शेअर करून या खास दिवसाच्या शुभेच्छा दिल्या आहेत.
टायगर श्रॉफ : टायगर श्रॉफनं इंस्टाग्राम स्टोरीवर आपल्या आईबरोबरचा सुंदर फोटो शेअर करून मदर्स डेच्या शुभेच्छा दिल्या आहेत.
जॅकलिन फर्नांडिस :अभिनेत्री जॅकलिन फर्नांडिसनं इन्स्टाग्राम स्टोरी एक व्हिडिओ शेअर केला आहे. या व्हिडिओमध्ये काही प्राणी दिसत आहे, जे आपल्या पिल्ल्यांबरोबर आहेत. या व्हिडिओच्या पोस्टमध्ये तिनं लिहिलं, "जगातील सर्व आई या सारख्या आहेत." तिची ही पोस्ट खूप आकर्षक आहे.
बिपाशा बसू : बॉलिवूडची हॉट अभिनेत्री बिपाशा बसूनं एक सुंदर व्हिडिओ शेअर करत आईसाठी घेतलेल्या गिफ्टची झलक चाहत्यांना दाखवली आहे. याशिवाय तिनं एक फोटो देखील शेअर केला आहे. या फोटोमध्ये ती आपल्या आईबरोबर दिसत आहे.
जॅकी भगनानी : अभिनेता जॅकी भगनानीनं सासू आणि आईसाठी एक खास संदेश देत लिहिलं, "आज, माझ्या हृदयात विशेष स्थान असलेल्या अविश्वसनीय महिलांचा सन्मान करण्यासाठी मला थोडा वेळ घ्यायचा आहे. आईसाठी, तुझ्या प्रेमाची सीमा नाही आणि तुझ्या त्यागांनी मला अशा प्रकारे आकार दिला आहे की, मी कधीही हे व्यक्त करू शकत नाही. तुमच्या दयाळूपणानं मला सुरुवातीपासूनच कुटुंबाचा एक प्रिय भाग असल्यासारखे वाटले आहे. तुम्हा सर्वांच्या प्रेमाब आणि पाठिंब्याबद्दल मी आजच नव्हे तर दररोज माझ्या जीवनात कृतज्ञ आहे."
हेही वाचा :
आईची भूमिका साकारून 'या' अभिनेत्रींनी रुपेरी पडद्यावर केलं राज्य - mothers day 2024 special
