IT Raids Pune: पुण्यातील निळकंठ ज्वेलर्सवर आयकर विभागाची धाड; 40 वाहनांमधून अधिकाऱ्यांचा फौजफाटा दाखल

author img

By ETV Bharat Marathi Desk

Published : Oct 19, 2023, 10:04 AM IST

Updated : Oct 19, 2023, 11:40 AM IST

Pune Crime News

Pune Crime News : पुण्यातील प्रसिद्ध निळकंठ ज्वेलर्सवर आयकर विभागाच्या धाडी पडल्या आहेत. पत्र्या मारुती चौक येथील सराफी दालनावर आयकर विभागाची झाडझडती सुरू आहे.

पुणे Pune Crime News : पुण्यातील प्रसिद्ध निळकंठ ज्वेलर्सवर आयकर विभागाच्यावतीनं आज (19 ऑक्टोबर) पहाटेपासून छापेमारी सुरू आहे. पत्र्या मारुती चौक हडपसर बाणेर परिसरात आयकर विभागाची ही छापेमारी सुरू आहे. आयकर विभागाच्या ४० वाहनातून आलेले आयकर अधिकारी छापेमारी करत आहेत. हडपसर, मगरपट्टा, बाणेर या ठिकाणी देखील आयकर विभागाकडून धाडसत्र सुरू आहे. दरम्यान, आयकर विभागानं आज पहाटेच पुण्यात छापीमारी सुरू केल्यानं अनेक उद्योजकांचे धाबे दणाणले आहेत.

40 वाहनांमधून अधिकाऱ्यांचा फौजफाटा : आयकर विभागाची ही छापेमारी अतिशय गुप्त पद्धतीनं सुरू करण्यात आली आहे. पहाटेच्या वेळी जवळपास 40 वाहनांमधून अधिकाऱ्यांचा फौजफाटा येथे दाखल झाला. त्यानंतर निळकंठ ज्वेलर्स प्रायव्हेट लिमिटेड यांच्या बाणेर आणि पाषाण या ठिकाणी छापेमारी करण्यात आली. मिळालेल्या माहितीनुसार कागदपत्रासह मालमत्ताची माहिती घेणं सुरू आहे. तसंच मोठ्या पोलीस बंदोबस्तासह ही छापेमारी सुरू असल्यानं सर्वांच्या नजरा याकडे लागल्या आहे. पूर्वी पुण्यामध्ये मोठे बांधकाम व्यावसायिक कारखानदार आदींवर आयकर विभागाच्या धाडी पडायच्या. परंतु आता या धाडींचं वारं थेट सोने व्यावसायिकांपर्यंत पोहोचलं आहे.

आयकर विभागाकडून छापेमारी सुरुच : सध्या राज्यभरात ईडीच्या कारवाया सुरु आहेत. काही दिवसांपूर्वीच ईडीनं जळगाव, नाशिक आणि ठाणे (महाराष्ट्र) येथील राजमल लखीचंद ग्रुपच्या 13 मालमत्तांवर छापे टाकले होते. छापेमारीवेळी विविध कागदपत्रे, 24.7 कोटी रुपयांचे 39.33 किलो सोने आणि हिऱ्याचे दागिने आणि 1.11 कोटी रुपयांची रोख रक्कम जप्त करण्यात आली होती.तर त्यानंतर करण्यात आलेल्या कारवाईत 70 मालमत्ता जप्त करण्यात आल्या. या मालमत्तांची किंमत अंदाजे 315 कोटी रुपये होती. राजमल लखीचंद ज्वेलर्स प्रायव्हेट लिमिटेड, आर एल गोल्ड प्रायव्हेट लिमिटेड व मनराज ज्वेलर्स प्रायव्हेट लिमिटेड आणि इतर बँक फसवणूक प्रकरणात ही मालमत्ता जप्त करण्यात आली.

हेही वाचा -

  1. Pune Crime : सोशल मीडियावरील ओळख पडली महागात; कॉलेज तरुणाचं अपहरण करुन केलं अनैसर्गिक कृत्य
  2. Govt Officials Fake FB Account : शाहरुख खानचा कारनामा; शासकीय अधिकाऱ्यांचे बनावट अकाउंट बनवून फसवणूक
  3. Pune Crime : जुगार अड्ड्यावर दरोडेखोरांनी मारला डल्ला; घटना सीसीटीव्हीत कैद
Last Updated :Oct 19, 2023, 11:40 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.