हैदराबाद : विश्वचषकापूर्वीच भारतीय संघाला दारुण पराभवाला सामोरं जावं लागलं आहे. शेवटच्या एकदिवसीय सामन्यात संघाचा ऑस्ट्रेलियाकडून भारताचा 66 धावांनी पराभव झाला. राजकोटमध्ये ऑस्ट्रेलियन संघानं नाणेफेक जिंकून फलंदाजीचा निर्णय घेतला. 50 षटकात 7 गडी गमावून 352 धावा केल्या. ही मैदानावरील सर्वोच्च धावसंख्या आहे. प्रत्युत्तरात भारतीय संघ 49.4 षटकांत 286 धावांत गारद झाला.
भारतीय संघ 286 धावा करून बाद : भारताला सामना जिंकण्यासाठी 353 धावांचं लक्ष्य होतं, परंतु संघ 286 धावा करू शकला. संघाकडून कर्णधार रोहित शर्माने सर्वाधिक 81 धावा केल्या. त्याच्याशिवाय विराट कोहलीने 56 धावा केल्या. ऑस्ट्रेलियाकडून ग्लेन मॅक्सवेलने 40 धावांत सर्वाधिक 4 बळी घेतले. मात्र मालिकेतील पहिले दोन सामने जिंकून भारतीय संघाने ही मालिका 2-1 अशी खिशात घातली आहे.
रोहित वॉशिंग्टनची अर्धशतकी भागीदारी : भारतीय कर्णधार रोहित शर्मा, वॉशिंग्टन सुंदर यांनी 78 धावांची भागीदारी करून संघाला चांगली सुरुवात करून दिली. दोघांनी 65 चेंडूंचा सामना केला. 11व्या षटकाच्या 5व्या चेंडूवर मॅक्सवेल लॅबुश्नेक झेलबाद झाला. सुंदरला वाइड लाँग ऑफवर मोठा फटका खेळायचा होता, पण चौकाराच्या आधी तो बाद झाला.
ऑस्ट्रेलियाचं भारताला 353 धावांचं लक्ष्य : भारत-ऑस्ट्रेलिया यांच्या वनडे मालिकेतील तिसरा सामना राजकोट येथील सौराष्ट्र क्रिकेट असोसिएशन स्टेडियमवर खेळवला गेला. ऑस्ट्रेलियानं भारताला 353 धावांचं मोठं लक्ष्य होतं. तिसऱ्या आणि शेवटच्या एकदिवसीय सामन्यात प्रथम फलंदाजी करताना ऑस्ट्रेलियन संघानं 50 षटकात 7 गडी गमावून 352 धावा केल्या. भारताला सामना जिंकण्यासाठी 353 धावा करायच्या होत्या. ऑस्ट्रेलियाकडून चार फलंदाजांनी अर्धशतकं झळकावली. डेव्हिड वॉर्नरनं 56, मिचेल मार्शनं 96, स्टीव्ह स्मिथनं 74, लॅबुशेननं 72 धावा केल्या. तर भारताकडून जसप्रीत बुमराहनं 10 षटकात 81 धावा देत 3 बळी घेतले. कुलदीप यादवनं 6 षटकांत 48 धावा देत 2 बळी घेतले. सिराज आणि प्रसीद कृष्णानं प्रत्येकी एक विकेट घेतली.
मार्श 96 धावांवर बाद : मिचेल मार्श, स्टीव्ह स्मिथनं दुसऱ्या विकेटसाठी 100 धावांची भागीदारी केलीय. दोघांनीही अर्धशतके झळकावली आहे. मार्शनं एकदिवसीय कारकिर्दीतील 17 वे अर्धशतक पूर्ण केलंय, तर स्टीव्ह स्मिथनेही 30 वं अर्धशतक पूर्ण केलं. मात्र मार्शचं शतकाचं स्वप्न कुलदीपनं भंगवलं आहे. त्यानं मार्शला 96 धावांवर बाद केलं. स्मिथला सिराजनं 74 धावांवर बाद केलं.
दोन्ही संघातील खेळाडू :
भारत: 1 रोहित शर्मा (कर्णधार), 2 विराट कोहली, 3 श्रेयस अय्यर, 4 केएल राहुल (विकेटकीपर), 5 सूर्यकुमार यादव, 6 रवींद्र जडेजा, 7 वॉशिंग्टन सुंदर, 8 कुलदीप यादव, 9 जसप्रीत बुमराह, 10 मोहम्मद सिराज, 11 प्रसिध कृष्णा
ऑस्ट्रेलिया : 1 मिचेल मार्श, 2 डेव्हिड वॉर्नर, 3 स्टीव्हन स्मिथ, 4 मार्नस लॅबुशेन, 5 ॲलेक्स केरी (विकेटकीपर), 6 ग्लेन मॅक्सवेल, 7 कॅमेरॉन ग्रीन, 8 पॅट कमिन्स (कर्णधार), 8 मिचेल स्टार्क, 10 तनवीर संघा, 11 जोश हॅझलवुड
खेळ सुरू झाला तेव्हा राजकोटमध्ये हलकं ढगाळ हवामान होतं. तसाच हवामान खात्यानंही अंदाज वर्तवला होता. हवामान खात्यानुसार पावसाची शक्यता केवळ 6 टक्के वर्तवण्यात आली होती. त्यामुळे आजच्या खेळावर पावसाचा परिणाम होणार नाही हे निश्चित आहे. हलका मध्यम पाऊस पडू शकतो, सामन्यात जास्त पाऊस पडणार नाही आणि प्रेक्षक संपूर्ण सामन्याचा आनंद घेऊ शकतील, अशा परिस्थितीत प्रेक्षकांना सामन्याचा आनंद घेता येत आहे.
खेळपट्टीचा अहवाल : खांदेरी स्टेडियमची खेळपट्टी फलंदाजीसाठी उपयुक्त मानली जात आहे. त्याचा प्रत्यही येत आहे. या खेळपट्टीवर गोलंदाजांना चांगलं यश मिळणार नाही असा अंदाज होता. मात्र विकेट जात आहेत. सुरुवातीला नवीन चेंडूची थोडीफार मदत नक्कीच होते. जुन्या चेंडूनं फिरकीपटूंचा चेंडू वळू लागतो. खांदेरी स्टेडियमच्या या खेळपट्टीवर पहिल्या डावाची सरासरी 310 ते 320 अशी आहे. ऑस्ट्रेलियानं तब्बल ३५२ धावा करुन याला भक्कम दुजोराच दिल्याचं दिसतंय. आता भारत कसा पाठलाग करणार यावर विजय-पराजय अवलंबून आहे.
हेही वाचा :
- Indian 10m air rifle team gold: भारताच्या रायफल संघानं देशाला मिळवून दिलं पहिल सुवर्णपदक, संघात ठाण्याच्या रुद्रांक्ष पाटील समावेश
- Asian Games : भारतीय पुरुष हॉकी संघाचा सिंगापूरवर १६-१ ने दणदणीत विजय
- Ind vs Aus Match Preview : भारत आणि ऑस्ट्रेलिया यांच्यात आज होणार तिसरा एकदिवसीय सामना, जाणून घ्या सामन्याचा स्कोअर रिपोर्ट
