मुंबई - पॉर्नोग्राफी प्रकरणी अभिनेत्री गहना वशिष्ठच्या (actress Gehana Vasisth) अचडणीत वाढ होताना दिसत आहे. त्यात तिला दिलासाही मिळताना दिसत नाही. पॉर्नोग्राफी प्रकरणात राज कुंद्रा (RAJ KUNDRA) अटकेत आहे. पोर्नोग्राफी प्रकरणामध्ये आता गहना वशिष्ठलाही मुंबई सेशन कोर्टाने जोरदार झटका दिला आहे. गहना वशिष्ठची अटकपूर्व जामीन याचिका सेशन कोर्टाने फेटाळून लावली आहे. मालवणी पोलीस स्टेशनमध्ये गहना वशिष्ठच्या विरोधात एफआयआर दाखल झाल्यानंतर तिनं जामिनासाठी याचिका दाखल केली होती.
नवीन कलाकारांची फसवणूक
टीव्ही अभिनेत्री आणि मॉडेल गहना वशिष्ठला मुंबई क्राइम ब्रँचने (Mumbai Crime Branch) अटक केली होती. सध्या ती जामीनावर बाहेर आहे. ती टीव्ही, चित्रपट या क्षेत्रामध्ये पदार्पण करू इच्छिणाऱ्या आणि यामध्ये करीअर करण्यासाठी धडपड करणाऱ्यांना काम देण्याचे आमिष दाखवून त्यांना अश्लील व्हिडिओ निर्मितीसाठी काम करण्यास भाग पाडत होती. त्यानंतर ते व्हिडिओ विविध वेबसाईटवर प्रदर्शित करत लाखो रुपये कमवत असल्याचा तिच्यावर आरोप आहे.
न्यायालयाचा दणका
याच प्रकरणात आता अटक टाळण्यासाठी तिने अटकपूर्व जामीन अर्ज दाखल केला होता. तो अर्ज आता मुंबई सत्र न्यायालयाने फेटाळला आहे. दरम्यान, गहना वशिष्ठ विरोधात मुंबई पोलिसांनी (Mumbai Police) दोन स्वतंत्र गुन्हे दाखल केले आहेत.
गहना उच्च न्यायालयात जाणार
गहनाचा अटकपूर्व जामीन सेशन कोर्टाने फेटाळला आहे. त्यामुळे गहना आाता मुंबई उच्च न्यायालयाचा (MUMBAI HIGH COURT) दरवाजा ठोठावणार असल्याचे बोलले जात आहे.
गहनाचे पोलिसांवर आरोप
एका मुलाखतीदरम्यान गहना वशिष्ठने पोलिसांवर गंभीर आरोप केले होते. या आरोपांमध्ये गहना म्हणाली होती, की 'माझ्याकडे मुंबई पोलिसांनी 15 लाख रुपयांची मागणी केली होती. जर 15 लाख रुपये दिले तर अटक होणार नाही असं पोलीस म्हणाले होते'. दरम्यान, चार महिन्यांपूर्वी गहना वशिष्ठला अटक करण्यात आली होती. सध्या ती जामिनावर बाहेर आहे. मात्र राज कुंद्राला अटक झाल्यानंतर ती पुन्हा चर्चेत आली आहे. तर, ती राज कुंद्राला अटक झाल्यानंतर वेळोवेळी त्याची बाजू घेताना दिसून येत आहे.
हेही वाचा - ‘न्यूड’ लाईव्ह करणाऱ्या गहना वशिष्ठची खास मुलाखत, सांगितला 'पॉर्न' आणि 'इरॉटिका'मधील फरक
