मुंबई -Heeramandi Gajagamini Walk : 'हीरामंडी द डायमंड बाजार' वेब सीरीजमधील 'गजगामिनी वॉक' हा सध्या सोशल मीडियावर खूप व्हायरल होत आहे. या वेब सीरीजमध्ये 'गजगामिनी वॉक' करताना अदिती राव हैदरी दिसली आहे. 'हीरामंडी द डायमंड बाजार' भारतातील सर्वात महागडी वेब सीरीज असल्याचं म्हटलं जात आहे. सोशल मीडिया युजर्स आता 'गजगामिनी वॉक' करून अनेक रिल्स बनवून शेअर करत आहेत. दरम्यान 'मिस्टर अ‍ॅन्ड मिसेस माही'मधील स्टार्स राजकुमार आणि जान्हवी कपूर सध्या त्यांच्या चित्रपटाचं जोरदार प्रमोशन करत आहेत. आता सोशल मीडियावर एक व्हिडिओ व्हायरल झाला आहे. या व्हिडिओत राजकुमार आणि जान्हवी आदिती राव हैदरीच्या 'गजगामिनी वॉक' करत खिल्ली उडवताना दिसत आहे.
जान्हवी कपूर आणि राजकुमार रावचा व्हिडिओ व्हायरल : हा व्हिडिओ जान्हवी कपूर आणि राजकुमार राव यांच्या चित्रपटासाठी केलेल्या नेट प्रॅक्टिसचा आहे. यामध्ये जान्हवी पूर्ण क्रिकेट किट आणि हातात बॅट घेऊन दिसत आहे. आता स्वतः जान्हवी कपूरनं हा व्हिडिओ शेअर केला आहे. व्हिडिओत राजकुमार राव धमाल करताना दिसत आहे. त्याला पाहून जान्हवी हसत आहे. हा व्हिडिओ शेअर करत जान्हवीनं लिहिलं आहे की, "आमचा स्वतःचा गजगामिनी वॉक', या क्रिकेट पॅडची सवय व्हायला एक मिनिट लागला पण मला आनंद झाला की मी 'मिस्टर अ‍ॅन्ड मिसेस माही' चित्रपटातून तुमचं मनोरंजन करू शकले."
'मिस्टर अ‍ॅन्ड मिसेस माही'ची स्टार कास्ट : 'मिस्टर अ‍ॅन्ड मिसेस माही' 31 मे रोजी थिएटरमध्ये रिलीज होणार आहे. करण जोहरच्या बॅनरखाली बनलेल्या या चित्रपटाचं दिग्दर्शन शरण शर्मा यांनी केलंय. या चित्रपटात जान्हवी कपूर आणि राजकुमार राव व्यतिरिक्त झरीना वहाब, कुमुद मिश्रा, राजेश शर्मा, अभिषेक बॅनर्जी, पूरनेंदु भट्टाचार्य आणि हितेश भोजराज दिसणार आहेत. दरम्यान 'हीरामंडी द डायमंड बाजार' ही वेब सीरीज खूप गाजली आहे. याम वेब सीरीजमधील सेट आणि अभिनेत्रींचा पोशाख हा खूप आकर्षक असल्यानं याबद्दल सोशल मीडियावर खूप चर्चा झाली होती.
हेही वाचा :
