जम्मू-काश्मीरमधील मुस्लिम तरुणीनं गायलं राम भजन, इंटरनेटवर व्हिडिओ तुफान व्हायरल

author img

By ETV Bharat Marathi Desk

Published : Jan 15, 2024, 7:51 PM IST

Muslim Girl Sing Ram Bhajan

Muslim Girl Sing Ram Bhajan : जम्मू-काश्मीरमधील एका मुस्लिम तरुणीनं स्थानिक भाषेत राम भजन गायलं, जे सर्वत्र चर्चेचा विषय बनलंय. ही महाविद्यालयीन तरुणी गायक जुबिन नौटियालनं गायलेल्या हिंदी भजनानं प्रेरित झाली होती.

श्रीनगर Muslim Girl Sing Ram Bhajan : जम्मू-काश्मीरच्या उरीमध्ये राहणाऱ्या एका मुस्लिम तरुणीनं पहाडी भाषेत गायलेल्या राम भजनाची सर्वत्र चर्चा होत आहे. अयोध्येत रामललाच्या प्राणप्रतिष्ठेपूर्वी तिचं हे गाणं वेगानं व्हायरल होतंय. रामललाचा अभिषेक सोहळा 22 जानेवारीला अयोध्येत उभारल्या जाणाऱ्या भव्य राम मंदिरात होणार आहे.

राम भजनानं प्रेरित : सय्यद बतूल झेहरा असं या 19 वर्षीय महाविद्यालयीन तरुणीचं नाव आहे. ती गायक जुबिन नौटियाल यानं गायलेल्या राम भजनानं प्रेरित झाली होती. झेहरानं सांगितलं की, जुबिन नौटियाल यांचं हिंदीतील राम भजन ऐकून तिला त्याची पहाडी आवृत्ती तयार करण्यास प्रेरित केलं. "मी यूट्यूबवर जुबिन नौटियाल यांनी गायलेलं हिंदी भजन ऐकलं. मी पहिल्यांदा ते हिंदीत गायलं आणि मला ते खूप छान वाटलं. यानंतर मी माझ्या पहाडी भाषेत गाण्याचा विचार केला. मी हे चार ओळींचं भजन भाषांतरित केलं आणि ते गायलं. यानंतर त्याला इंटरनेटवर अपलोड केलं", असं ती म्हणाली.

  • #WATCH | Jammu and Kashmir: Batool Zehra, a college Ist year student from Uri sings Ram bhajan in Pahari language to connect J&K with the Ram Mandir Pran Pratishtha ceremony, to be held on 22nd January in Ayodhya, UP. pic.twitter.com/Fla4BiCh9u

    — ANI (@ANI) January 15, 2024 " class="align-text-top noRightClick twitterSection" data=" ">

हिंदू भजनं गाण्यात गैर नाही : झेहराच्या मते, ती मुस्लिम असूनही हिंदू भजनं गाण्यात काहीच गैर नाही. "आमचे लेफ्टनंट गव्हर्नर हिंदू आहेत. पण विकासकामांमध्ये ते धर्माच्या आधारावर आमच्याशी भेदभाव करत नाहीत. आमचे इमाम हुसैन यांनीही पैगंबरांच्या अनुयायांना त्यांच्या देशावर प्रेम करायला सांगितलं आहे. देशावर प्रेम करणं हा श्रद्धेचा भाग आहे", असं ती म्हणाली.


धर्मांमध्ये भेदभाव करत नाही : पंतप्रधान नरेंद्र मोदी जम्मू-काश्मीरला प्राधान्य देत आहेत. त्यांना सहकार्य करणं आपलं कर्तव्य आहे. कारण हिंदू, मुस्लिम, शीख, ख्रिश्चन हे सर्व भाऊ आहेत असं मी मानत असल्याचं झेहरानं सांगितलं.

हे वाचलंत का :

  1. आता मुंबईहून अयोध्येला करा नॉन-स्टॉप प्रवास! स्पाईसजेट सुरू करणार डायरेक्ट फ्लाइट
  2. 3 हजार किलो स्टीलनं बनतंय जगातील सर्वात मोठं रामायण; सेन्सरनं पलटणार 100 किलोचं पानं
  3. श्रीराम प्राणप्रतिष्ठेच्या दिवशी काय परिधान करणार? पाहा कशी असणार वेशभूषा
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.