ETV Bharat / bharat

Asia Cup 2022 Final SL vs PAK : नाणेफेक जिंकून पाकिस्तानचा प्रथम गोलंदाजीचा निर्णय; पाहा दोन्ही संघांची प्लेइंग इलेव्हन

author img

By

Published : Sep 11, 2022, 7:37 PM IST

Updated : Sep 11, 2022, 7:43 PM IST

SL vs PAK
SL vs PAK

आशिया चषक 2022 चा ( Asia Cup 2022 ) अंतिम सामना पाकिस्तान आणि श्रीलंका ( Sri Lanka vs Pakistan Final ) यांच्यात रविवारी म्हणजेच आज होणार आहे. हा सामना भारतीय वेळेनुसार संध्याकाळी 7.30 वाजता खेळवला जाईल. तत्पुर्वी पाकिस्तान संघाने नाणेफेक जिंकून प्रथम गोलंदाजी करण्याचा निर्णय घेतला आहे.

दुबई: आशिया चषक 2022 स्पर्धेतील आज (रविवारी) अंतिम सामना ( Asia Cup 2022 Final ) खेळला जाणार आहे. हा सामना दुबई इंटरनॅशनल क्रिकेट स्टेडियमवर रात्री साडेसातला सुरु होणार आहे. हा अंतिम सामना श्रीलंका विरुद्ध पाकिस्तान ( Sri Lanka vs Pakistan ) संघात पार पडणार आहे. या सामन्यावरुन आशिया क्रिकेटचा सम्राट कोण? हे ठरणार आहे. तत्पुर्वी दोन्ही संघात नाणेफेक पार पडली आहे. पाकिस्तान संघाने नाणेफेक जिंकून प्रथम गोलंदाजी करण्याचा निर्णय घेतला आहे.

सामाजिक-आर्थिक संकट ( Socio-Economic Crisis in Sri Lanka ) आणि इतिहासातील सर्वात वाईट लोकशाही अशांततेतून त्रस्त असलेला श्रीलंका आपल्या क्रिकेट संघाला आनंद साजरा करण्याची संधी देऊ शकतो. यासाठी त्याला रविवारी दुबईत होणाऱ्या आशिया कप 2022 च्या अंतिम ( Asia Cup 2022 Final ) फेरीत पाकिस्तानच्या बलाढ्य संघाचा पराभव करावा लागेल. श्रीलंका हा एक प्रकारे आशिया चषक स्पर्धेचे यजमान देश आहे, पण सुरक्षेच्या कारणास्तव तो आपल्या देशात आयोजित करू शकला नाही आणि त्यामुळे संयुक्त अरब अमिरातीला या स्पर्धेचे आयोजन करण्याची संधी मिळाली.

श्रीलंकेने चांगली कामगिरी करून सर्व समीकरणे बिघडवली -

दासून शनाकाच्या नेतृत्वाखालील ( Captain Dasun Shanaka ) संघ त्यांच्या घरच्या मैदानावर अंतिम सामना खेळला असता, तर हा आनंदाचा क्षण ठरला असता. परंतु सुपर फोरमधील त्यांची कामगिरी पाहता बाबर आझमच्या नेतृत्वाखालील पाकिस्तानसमोर आव्हान आहे असे म्हणता येईल. संघ कसाही असेल. सोपे मात्र असणार नाही. आशियाई क्रिकेट परिषद असो की दुबईचे प्रेक्षक असो, अंतिम सामना भारत-पाकिस्तान यांच्यात व्हावा, असे सर्वांनाच वाटत होते, पण श्रीलंकेने चांगली कामगिरी करून सर्व समीकरणे बिघडवली.

पाकिस्तानला कर्णधार बाबरच्या फॉर्मची चिंता -

आशिया चषक स्पर्धेतील आतापर्यंतच्या पाच सामन्यांमध्ये श्रीलंकेच्या फलंदाजांनी 28 षटकार आणि 62 चौकार मारले आहेत, यावरून त्यांची आक्रमक वृत्ती दिसून येते. गोलंदाजीत महेश तिक्षना आणि वानिंदू हसरंगा यांनी फिरकी विभाग उत्तम प्रकारे हाताळला आहे, तर दिलशान मधुशंकाने मुख्य वेगवान गोलंदाजाची जबाबदारी अतिशय वाखाणण्याजोगी पार पाडली आहे. याउलट, पाकिस्तानला आपला कर्णधार आणि सर्वोत्तम फलंदाज बाबरच्या फॉर्मची चिंता ( Captain Babar Azam poor form ) आहे, ज्याने आतापर्यंत पाच सामन्यांत केवळ 63 धावा केल्या आहेत. अंतिम फेरीत मोठी खेळी खेळण्याचा तो नक्कीच प्रयत्न करेल.

दुबईमध्ये पाकिस्तानला प्रेक्षकांचा मोठा पाठिंबा मिळण्याची शक्यता -

एवढेच नाही तर श्रीलंकेने शुक्रवारी सुपर फोरच्या अंतिम सामन्यात अंतिम प्रतिस्पर्धी पाकिस्तानविरुद्ध सहज विजयाची नोंद केली. यासह त्याचा संघ मनोबल वाढवत अंतिम फेरीत प्रवेश करेल. पण दुबईमध्ये पाकिस्तानला प्रेक्षकांचा मोठा पाठिंबा मिळण्याची ( Big audience support for Pakistan in Dubai ) शक्यता आहे आणि अशा परिस्थितीत बाबर आझम, मोहम्मद रिझवान, मोहम्मद नवाज आणि नसीम शाह हे खेळाडू आपले सर्वोत्तम देण्याचा प्रयत्न करतील. पाकिस्तानसमोर श्रीलंकेचा असा संघ असेल जो आपल्या क्रिकेटला पुनरुज्जीवित करण्याचा प्रयत्न करत आहे. त्यांना अशा फॉरमॅटमध्ये छाप पाडायची आहे ज्यामध्ये ते 2014 मध्ये वर्ल्ड चॅम्पियन बनले होते.

श्रीलंका प्लेइंग इलेव्हन: पाथुम निसांका, कुसल मेंडिस (विकेटकीपर), धनंजया डी सिल्वा, दानुष्का गुनाथिलका, भानुका राजपक्षे, दासुन शानाका (कर्णदार), वानिंदू हसरंगा, चमिका करुणारत्ने, महेश टीक्ष्णा, प्रमोद मदुशन, दिलशान मदुशंका.

पाकिस्तान प्लेइंग इलेव्हन: मोहम्मद रिझवान (विकेटकीपर), बाबर आझम (कर्णधार), फखर जमान, इफ्तिखार अहमद, शादाब खान, मोहम्मद नवाज, आसिफ अली, खुशदिल शाह, हरिस रौफ, नसीम शाह, मोहम्मद हसनैन.

हेही वाचा - Asia Cup 2022 Final SL vs PAK : आज ठरणार 'आशियाचा क्रिकेट सम्राट' कोण? श्रीलंका-पाकिस्तान संघात होणार महामुकाबला

Last Updated :Sep 11, 2022, 7:43 PM IST

TAGGED:

Asia Cup 2022 SL vs PAKAsia Cup 2022SL vs PAKSL vs PAKAsia Cup 2022 Final SL vs PAK

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

विश्लेषणात्मक वार्तांकन

ट्रेंडिंग

(कोणत्याही विषयावर 'क्लिक' करा)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.