ರಾಯಚೂರು: ರಾಜ್ಯದ ಯಾವುದೇ ನಾಯಕರಿಗೆ 2023ರಲ್ಲಿ ರಾಜ್ಯ ವಿಧಾನಸಭಾ ಚುನಾವಣೆಯನ್ನು ಏಕಾಂಗಿಯಾಗಿ ಎದುರಿಸುವ ಶಕ್ತಿಯಿಲ್ಲ. ಪ್ರಧಾನಿ ನರೇಂದ್ರ ಮೋದಿ ಹೆಸರಿನ ಮೇಲೆ ಚುನಾವಣೆಯನ್ನು ಎದುರಿಸುತ್ತೇವೆ. ಅವರ ಹೆಸರಲ್ಲೇ ಇನ್ಮುಂದೆ ಚುನಾವಣೆಗೆ ಬರುತ್ತೇವೆ ಎಂದು ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಹೇಳಿದರು.
ಜಿಲ್ಲೆಯ ದೇವದುರ್ಗ ಪಟ್ಟಣದ ಪ್ರವಾಸಿ ಮಂದಿರದಲ್ಲಿ ಮಾತನಾಡಿದ ಅವರು, ಮಂತ್ರಿ ಮಂಡಲ ಪುನಾರಚನೆ ಅಗತ್ಯವಿಲ್ಲ. ವಿಧಾನಸಭಾ ಚುನಾವಣೆಗೆ ಕೇವಲ ಆರು ತಿಂಗಳು ಮಾತ್ರವೇ ಬಾಕಿಯಿದೆ. ಹೀಗಿರುವಾಗ ಸಂಪುಟ ವಿಸ್ತರಣೆ ಮಾಡಿದರೆ ಯಾವುದೇ ಉಪಯೋಗವಿಲ್ಲ ಎಂದರು.
ಇಲ್ಲಿಯವರೆಗೆ ಸಂಪುಟ ವಿಸ್ತರಣೆಯನ್ನು ಚುನಾವಣೆ ನೆಪದಲ್ಲಿ ಮುಂದೂಡಲಾಗಿದೆ. ಮುಂದೆ ಕೂಡ ಸಚಿವ ಸಂಪುಟ ವಿಸ್ತರಣೆ, ಪುನಾರಚನೆ ಆಗುವುದು ಅನುಮಾನ. ನಾನು ಸಚಿವ ಸ್ಥಾನವಾಗಲಿ ಸಿಎಂ ಸ್ಥಾನವನ್ನಾಗಲಿ ಕೇಳಿಲ್ಲ. ಸಚಿವರಾಗಲು ಪದೇ ಪದೆ ದೆಹಲಿಗೆ ಹೋಗಬೇಕು. ಸಿಎಂ ಮನೆ ಮುಂದೆ ಕಾಯಬೇಕು. ಬೆಂಗಳೂರಿಗೆ ಹೋಗಬೇಕು. ಇಂಥ ಕೆಲಸ ನಾನು ಮಾಡುವವನಲ್ಲ ಎಂದರು.
ಇದನ್ನೂ ಓದಿ: ಅಕ್ರಮ ಆಸ್ತಿ ಗಳಿಕೆ ಸಾಬೀತು: ಎಸ್ಪಿಗೆ 1 ಕೋಟಿ ರೂ. ದಂಡ ವಿಧಿಸಿದ ಲೋಕಾಯುಕ್ತ ಕೋರ್ಟ್
