ಬೆಂಗಳೂರು : 'ಸ್ವತ: ಡಿ ಕೆ ಶಿವಕುಮಾರ್ ನನ್ನನ್ನು ಭೇಟಿಯಾಗಿ ಮಾತನಾಡಿದ್ದಾರೆ. ಅವರೇ ಹಣ ಕೊಟ್ಟು ಗೋವಾಗೆ ಕಳುಹಿಸುತ್ತಿದ್ದಾರೆ' ಎಂದು ಸಿಡಿ ಲೇಡಿ ತನ್ನ ಸಹೋದರನೊಂದಿಗೆ ಮಾತನಾಡಿದ್ದಾಳೆ ಎನ್ನಲಾದ ಮತ್ತೊಂದು ಆಡಿಯೋ ಲೀಕ್ ಆಗಿದೆ.
ಆಡಿಯೋದಲ್ಲಿ ಯುವತಿಯು 'ನಾನು ಡಿ.ಕೆ ಶಿವಕುಮಾರ್ ಹೇಳಿದ ಹಾಗೇ ಕೇಳಬೇಕು. ಎಲ್ಲಿಗೂ ಹೋಗಬಾರದು' ಎಂದಿದ್ದಾಳೆ. ಈ ವೇಳೆ ಯುವತಿ ಸಹೋದರ, 'ನಿನ್ನನ್ನು ಕೈಬಿಟ್ಟು ಬಿಡುತ್ತಾರೆ. ಇದೆಲ್ಲ ಬೇಡ ಊರಿಗೆ ಬಾ' ಎಂದು ಕರೆದಿದ್ದಾನೆ.
ಈ ವೇಳೆ ಯುವತಿ, 'ಹಾಗೆಲ್ಲ ಆಗೋದಿಲ್ಲ. ನನ್ನ ಮೊಬೈಲ್ ಸಹ ಕಸಿದುಕೊಂಡು ಬೇಸಿಕ್ ಮೊಬೈಲ್ ನೀಡಿದ್ದಾರೆ. ನನ್ನೊಂದಿಗೆ ಆಕಾಶ್ ಜತೆಗೆ ಏಳೆಂಟು ಜನ ಬರ್ತಿದ್ದಾರೆ. ನೀನು ವಿಷಯವನ್ನು ಯಾರ ಬಳಿಯೂ ಮಾತನಾಡಬೇಡ' ಎಂದು ಹೇಳಿರುವ ಆಡಿಯೋ ಈಗ ಸಿಡಿ ಕೇಸ್ಗೆ ಹೊಸ ತಿರುವು ನೀಡುತ್ತಿದೆ.
ನಿನ್ನೆ ಯುವತಿ ಡಿ ಕೆ ಶಿವಕುಮಾರ್ ಭೇಟಿಯಾಗಲು ಬಂದಿದ್ದಾಗಿ ಹೇಳಿದ್ದ ಆಡಿಯೋ ಲೀಕ್ ಆಗಿತ್ತು. ಈ ಹಿನ್ನೆಲೆ ಕೆಪಿಸಿಸಿ ಅಧ್ಯಕ್ಷ ಡಿ ಕೆ ಶಿವಕುಮಾರ್ ಸಹ ಪ್ರತಿಕ್ರಿಯಿಸಿ, ಸಿಡಿ ಲೇಡಿ ನನ್ನನ್ನು ಭೇಟಿಯಾಗಲು ಪ್ರಯತ್ನಿಸಿದ್ದು ನಿಜ ಎಂದಿದ್ದರು.
ಓದಿ:ಮಹಾನಾಯಕನ ಹೆಸರು ಬಾಯ್ಬಿಟ್ಟ ಮಾಜಿ ಸಚಿವ: ಡಿಕೆಶಿಗೆ ರಮೇಶ್ ಜಾರಕಿಹೊಳಿ ಬಹಿರಂಗ ಸವಾಲು
