9ನೇ ಬಾರಿ ಆಸ್ಟ್ರೇಲಿಯನ್​ ಓಪನ್​ ಗೆದ್ದು ದಾಖಲೆ; ಜೋಕೊವಿಕ್ ಮುಡಿಗೆ 18ನೇ ಗ್ರ್ಯಾಂಡ್​ಸ್ಲ್ಯಾಮ್​

ಮೆಲ್ಬೋರ್ನ್​ : ಸರ್ಬಿಯಾದ ಟೆನಿಸ್​ ತಾರೆ ನೊವಾಕ್ ಜೋಕೊವಿಕ್​ ರಷ್ಯಾದ ಡ್ಯಾನಿಲ್​ ಮೆಡ್ವೆಡೆವ್​ ಅವರನ್ನು ಮಣಿಸಿ 2021ರ ಆಸ್ಟ್ರೇಲಿಯನ್ ಓಪನ್​ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

ವಿಶ್ವದ ನಂಬರ್​ ಒನ್ ಶ್ರೇಯಾಂಕದ ಆಟಗಾರ ಜೋಕೊವಿಕ್ 4ನೇ ಶ್ರೇಯಾಂಕದ​ ಮೆಡ್ವೆಡೆವ್​ ಅವರನ್ನು 7-5, 6-2, 6-2 ರಲ್ಲಿ ಮಣಿಸುವ ಮೂಲಕ ವೃತ್ತಿ ಜೀವನದ 9ನೇ ಆಸ್ಟ್ರೇಲಿಯನ್ ಓಪನ್​ ಪ್ರಶಸ್ತಿ ತಮ್ಮದಾಗಿಸಿಕೊಂಡಿದ್ದಾರೆ.

ಈ ಮೂಲಕ 18ನೇ ಗ್ರ್ಯಾಂಡ್​ಸ್ಲಾಮ್ ಗೆದ್ದು ಅತಿ ಹೆಚ್ಚು ಗ್ರ್ಯಾಂಡ್​ಸ್ಲಾಮ್ ಗೆದ್ದ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ನಡಾಲ್ (20) ಮತ್ತು ಫೆಡರರ್ ​(20) ಗೆ ಮತ್ತಷ್ಟು ಹತ್ತಿರವಾಗಿದ್ದಾರೆ.

• "Class act." 💯
  
  Here, here @DjokerNole 👏@DaniilMedwed | #AO2021 | #AusOpen pic.twitter.com/R1aHehylbY

  — #AusOpen (@AustralianOpen) February 21, 2021 " class="align-text-top noRightClick twitterSection" data="

  "Class act." 💯
  
  Here, here @DjokerNole 👏@DaniilMedwed | #AO2021 | #AusOpen pic.twitter.com/R1aHehylbY

  — #AusOpen (@AustralianOpen) February 21, 2021

  ">

  "Class act." 💯
  
  Here, here @DjokerNole 👏@DaniilMedwed | #AO2021 | #AusOpen pic.twitter.com/R1aHehylbY

  — #AusOpen (@AustralianOpen) February 21, 2021

ಅಲ್ಲದೆ ಒಂದೇ ಗ್ರ್ಯಾಂಡ್​ಸ್ಲಾಮ್​ ಪ್ರಶಸ್ತಿಯನ್ನು 9 ಅಥವಾ ಅದಕ್ಕಿಂತ ಹೆಚ್ಚುಬಾರಿ ಗೆದ್ದ ವಿಶ್ವದ 2ನೇ ಟೆನಿಸ್ ಪ್ಲೇಯರ್​ ಎಂಬ ಶ್ರೇಯಕ್ಕೆ ಪಾತ್ರರಾದರು. ಸ್ಪೇನ್​ನ ರಾಫೆಲ್ ನಡಾಲ್ 13 ಬಾರಿ​ ಫ್ರೆಂಚ್ ಓಪನ್​ ಗೆದ್ದು ಮೊದಲ ಸ್ಥಾನದಲ್ಲಿದ್ದಾರೆ.

ಅಲ್ಲದೆ ಕಳೆದ ನವೆಂಬರ್​ನಿಂದ ಸೋಲನ್ನೇ ಅರಿಯದೇ ಸತತ 20 ಗೆಲುವಿನೊಂದಿಗೆ ಮುನ್ನುಗ್ಗುತ್ತಿದ್ದ ಮೆಡ್ವೆಡೆವ್ ಓಟಕ್ಕೆ ಬ್ರೇಕ್​ ಹಾಕಿದ್ದಾರೆ. ಜೊತೆಗೆ ಕಳೆದ ವರ್ಷ ನಿಟ್ಟೋ ಎಟಿಪಿ ಫೈನಲ್ಸ್​ ಪಂದ್ಯದ ಸೋಲಿಗೆ ರಷ್ಯಾ ಆಟಗಾರ ವಿರುದ್ಧ ಸೇಡು ತೀರಿಸಿಕೊಂಡಿದ್ದಾರೆ. ಜೋಕೊವಿಕ್​ ಇದೀಗ ಎಟಿಪಿ ಪಂದ್ಯಗಳ ಮುಖಾಮುಖಿಯಲ್ಲಿ 5-3 ರಿಂದ ಮುನ್ನಡೆ ಸಾಧಿಸಿದ್ದಾರೆ.

ನೊವಾಕ್ ಜೋಕೊವಿಕ್​ 9 ಆಸ್ಟ್ರೇಲಿಯನ್​​ ಓಪನ್​, ಒಂದು ಫ್ರೆಂಚ್ ಓಪನ್​, 5 ವಿಂಬಲ್ಡನ್​ ಓಪನ್​ ಮತ್ತು 3 ಯುಎಸ್​ ಓಪನ್​ ಪ್ರಶಸ್ತಿ ಗೆದ್ದಂತಾಗಿದೆ.