ಇಂಡಿಯನ್​ ವೆಲ್ಸ್​ ಗೆದ್ದ ಕಾರ್ಲೋಸ್: ಜೋಕೊವಿಕ್ ಹಿಂದಿಕ್ಕಿ ನಂ. 1 ಪಟ್ಟಕ್ಕೇರಿದ 19ರ ಯುವಕ

ಅಮೆರಿಕ: ಇಂಡಿಯನ್​ ವೆಲ್ಸ್​ ಟೆನ್ನಿಸ್​​ ಟೂರ್ನಿಯ ಚಾಂಪಿಯನ್​ ಪಟ್ಟ ಅಲಂಕರಿಸಿರುವ ಸ್ಪೇನ್​ನ ಯುವ ಟೆನ್ನಿಸ್​ ತಾರೆ ಕಾರ್ಲೋಸ್​ ಅಲ್ಕರಾಝ್​ ಮತ್ತೆ ಅಗ್ರ ಸ್ಥಾನಕ್ಕೆ ಮರಳಿದ್ದಾರೆ. ಅನುಭವಿ ಆಟಗಾರ ಸರ್ಬಿಯಾದ ನೊವಾಕ್​ ಜೋಕೊವಿಕ್​ರನ್ನು ಹಿಂದಿಕ್ಕಿರುವ 19 ವರ್ಷದ ಕಾರ್ಲೋಸ್ ಪುನಃ ನಂ. 1 ಪಟ್ಟಕ್ಕೆ ಏರಿದ್ದಾರೆ.

ಭಾನುವಾರ ನಡೆದ ​ಇಂಡಿಯನ್​ ವೆಲ್ಸ್​ ಟೆನ್ನಿಸ್​​ ಟೂರ್ನಿಯ ಫೈನಲ್​ ಹಣಾಹಣಿಯಲ್ಲಿ ರಷ್ಯಾದ ಸ್ಟಾರ್​ ಆಟಗಾರ ಡೆನಿಲ್​ ಮೆಡ್ವೆಡೆವ್​ರನ್ನು 6-3, 6-2 ನೇರ ಸೆಟ್​ಗಳಿಂದ ಸೋಲಿಸಿದ ಕಾರ್ಲೋಸ್​ ಅಲ್ಕರಾಝ್ ಚಾಂಪಿಯನ್​ ಆಗಿ ಹೊರಹೊಮ್ಮಿದರು. ಗಾಯದಿಂದ ಚೇತರಿಸಿಕೊಂಡು ಕಣಕ್ಕೆ ಮರಳಿರುವ ಕಾರ್ಲೋಸ್​ ಅದ್ಭುತ ಆಟ ಪ್ರದರ್ಶಿಸಿದರು. ಮೊದಲ ಸೆಟ್​ ಅನ್ನು ಕೇವಲ 36 ನಿಮಿಷಗಳಲ್ಲೇ ಗೆದ್ದ ಕಾರ್ಲೋಸ್​ ಆಕ್ರಮಣಕಾರಿ ಆಟದ ಎದುರು ಮೆಡ್ವೆಡೆವ್​ ಮಂಕಾದರು. ಅಲ್ಲದೆ, ಮೆಡ್ವೆಡೆವ್​ರ ಸತತ 19 ಗೆಲುವುಗಳ ನಾಗಾಲೋಟಕ್ಕೆ ಬ್ರೇಕ್‌ ಬಿತ್ತು.

• 👑 THE KING IN CALI 👑
  
  🇪🇸 @carlosalcaraz defeats Medvedev 6-3, 6-2 to capture his first Indian Wells title and reclaim the World No. 1 ranking! @BNPPARIBASOPEN | #TennisParadise pic.twitter.com/H2mhr9JhB0

  — ATP Tour (@atptour) March 20, 2023 " class="align-text-top noRightClick twitterSection" data="

  👑 THE KING IN CALI 👑
  
  🇪🇸 @carlosalcaraz defeats Medvedev 6-3, 6-2 to capture his first Indian Wells title and reclaim the World No. 1 ranking! @BNPPARIBASOPEN | #TennisParadise pic.twitter.com/H2mhr9JhB0

  — ATP Tour (@atptour) March 20, 2023

  ">

  👑 THE KING IN CALI 👑
  
  🇪🇸 @carlosalcaraz defeats Medvedev 6-3, 6-2 to capture his first Indian Wells title and reclaim the World No. 1 ranking! @BNPPARIBASOPEN | #TennisParadise pic.twitter.com/H2mhr9JhB0

  — ATP Tour (@atptour) March 20, 2023

ಸ್ಪೇನ್​ನ ಯುವ ತಾರೆ ಕಾರ್ಲೋಸ್​ ಅಲ್ಕರಾಝ್ ತಮ್ಮ ವೃತ್ತಿಜೀವನದ ಆರಂಭದಿಂದಲೇ ಟೆನ್ನಿಸ್​ ಲೋಕದ ಗಮನ ಸೆಳೆಯುತ್ತಿದ್ದಾರೆ. ಕಳೆದ ವರ್ಷ ಅಮೆರಿಕ ಓಪನ್​ ಗ್ರಾಂಡ್​ಸ್ಲಾಂ ಗೆದ್ದು ನಂಬರ್​ 1 ಸ್ಥಾನಕ್ಕೆ ತಲುಪಿದ್ದರು. ಮೆಡ್ವೆಡೆವ್​ ವಿರುದ್ಧ 18 ವಿನ್ನರ್ಸ್​ ಸಿಡಿಸಿದರು. ಬ್ರೇಕ್​ ಪಾಯಿಂಟ್​ ಇಲ್ಲದೆಯೇ ಪಂದ್ಯ ಮುಗಿಸಿದರಲ್ಲದೆ, ಇಂಡಿಯನ್​ ವೆಲ್ಸ್​ ಹಾಗೂ ಮಿಯಾಮಿ ಓಪನ್​ ಗೆದ್ದ ಒಂಭತನೇ ಹಾಗೂ ಅಂತ್ಯಂತ ಯುವ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾದರು. ಜೊತೆಗೆ, ಚಿಕ್ಕ ಹರೆಯದಲ್ಲೇ ಮೂರು ಮಾಸ್ಟರ್ಸ್​ 1000 ಪ್ರಶಸ್ತಿ ಗೆದ್ದು ತಮ್ಮದೇ ದೇಶದ ದಿಗ್ಗಜ ಆಟಗಾರ ರಾಫೆಲ್​ ನಡಾಲ್​ ಅವರ ಸಾಲಿಗೆ ಸೇರಿದ್ದಾರೆ. ನಡಾಲ್​ ಕೂಡ 20ನೇ ವಯಸ್ಸಿಗೆ ಕಾಲಿಡುವ ಮುನ್ನವೇ 6 ಮಾಸ್ಟರ್ಸ್ ಪ್ರಶಸ್ತಿ ಗೆದ್ದಿದ್ದರು.

ಇದನ್ನೂ ಓದಿ: ಸತತ ಗೋಲ್ಡನ್​ ಡಕ್​ಗೆ Sky ಔಟ್​: ನಾಯಕ ರೋಹಿತ್​ ಶರ್ಮಾ ಹೇಳಿದ್ದೇನು?

ಈ ಹಿಂದೆ ಮಂಡಿರಜ್ಜು ಗಾಯಕ್ಕೆ ತುತ್ತಾಗಿದ್ದ ಕಾರ್ಲೋಸ್​ 2023ರ ಆಸ್ಟ್ರೇಲಿಯನ್​ ಓಪನ್​​ ಟೆನ್ನಿಸ್​ ಟೂರ್ನಿಯಲ್ಲಿ ಆಡಿರಲಿಲ್ಲ. ಹೀಗಾಗಿ 10ನೇ ಆಸ್ಟ್ರೇಲಿಯನ್​ ಓಪನ್​ ಗೆದ್ದ ನೊವಾಕ್​ ಜೋಕೊವಿಕ್ ಅಗ್ರ ಸ್ಥಾನದಲ್ಲಿ ಮುಂದುವರೆದಿದ್ದರು. ಇದೀಗ ಇಂಡಿಯನ್​ ವೆಲ್ಸ್​ ಟೆನ್ನಿಸ್​​ ಟೂರ್ನಿಯಲ್ಲಿನ ಯಶಸ್ಸು ಕಾರ್ಲೋಸ್​ರನ್ನು ನಂ. 1 ಪಟ್ಟಕ್ಕೇರಿಸಿದೆ. ಸದ್ಯ ಅಗ್ರಸ್ಥಾನ ಉಳಿಸಿಕೊಳ್ಳಬೇಕಾದರೆ ಕಾರ್ಲೋಸ್​ ಮುಂಬರುವ ಮಿಯಾಮಿ ಓಪನ್​ ಟೆನ್ನಿಸ್​ ಟೂರ್ನಿಯಲ್ಲಿ ಮತ್ತೊಮ್ಮೆ ಟ್ರೋಫಿ ಗೆಲ್ಲಲೇಬೇಕಿದೆ.

ಸದ್ಯ ಎಟಿಪಿ ರ‍್ಯಾಂಕಿಂಗ್ಸ್​ನಲ್ಲಿ ಕಾರ್ಲೋಸ್​ ಅಲ್ಕರಾಝ್ ಅಗ್ರಸ್ಥಾನಿಯಾದರೆ, ಎರಡನೇ ಸ್ಥಾನದಲ್ಲಿ ಸರ್ಬಿಯಾದ ನೊವಾಕ್​ ಜೊಕೊವಿಕ್​ ಇದ್ದಾರೆ. ಗ್ರೀಕ್​ನ ಯುವ ಆಟಗಾರ ಸ್ಟೆಫಾನೋಸ್ ಸಿಟ್ಸಿಪಾಸ್ ಮೂರನೇ ಹಾಗೂ ನಾರ್ವೆಯ ಕಾಸ್ಪರ್​ ರುಡ್​ 4ನೇ ಸ್ಥಾನ ಹೊಂದಿದ್ದಾರೆ. ಇಂಡಿಯನ್​ ವೆಲ್ಸ್​ ರನ್ನರ್​ ಅಪ್​ ಆದ ಡೆನಿಲ್​ ಮೆಡ್ವೆಡೆವ್ 5ನೇ ಶ್ರೇಯಾಂಕ ಪಡೆದಿದ್ದಾರೆ. ಪಟ್ಟಿಯಲ್ಲಿ ಇಳಿಮುಖವಾಗಿ ಸಾಗಿರುವ ಸ್ಪೇನ್​ನ ಸ್ಟಾರ್​ ಆಟಗಾರ ರಾಫೆಲ್​ ನಡಾಲ್​ 13ನೇ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ: ಧೋನಿಗೆ ಕೊನೆಯ ಐಪಿಎಲ್​ ಅಲ್ಲ, ಇನ್ನೂ ಮೂರ್ನಾಲ್ಕು ವರ್ಷ ಆಡ್ತಾರೆ: ಶೇನ್​ ವ್ಯಾಟ್ಸನ್​