ಸ್ಕಾಟ್ಲೆಂಡ್​ ವಿರುದ್ಧ ಪಾಕಿಸ್ತಾನಕ್ಕೆ 72 ರನ್​ಗಳ ಜಯ: ಸೆಮಿಫೈನಲ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಸೆಣಸಾಟ

ಶಾರ್ಜಾ: ಸ್ಕಾಟ್ಲೆಂಡ್​ ವಿರುದ್ಧ 72 ರನ್​ಗಳಿಂದ ಗೆಲ್ಲುವ ಮೂಲಕ ಪಾಕಿಸ್ತಾನ ತಂಡ ಅಜೇಯವಾಗಿ ಸೆಮಿಫೈನಲ್​ ಪ್ರವೇಶಿಸಿದೆ. ನವೆಂಬರ್ 11ರಂದು ನಡೆಯಲಿರುವ 2ನೇ ಸೆಮಿಫೈನಲ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಎದುರಿಸಲಿದೆ.

ಭಾನುವಾರ ನಡೆದ ತನ್ನ ಕೊನೆಯ ಸೂಪರ್ 12 ಲೀಗ್​ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಪಾಕಿಸ್ತಾನ ತಂಡ 20 ಓವರ್​ಗಳಲ್ಲಿ 4 ವಿಕೆಟ್​ ಕಳೆದುಕೊಂಡು 189 ರನ್​ಗಳಿಸಿತ್ತು. ಬಾಬರ್​ ಅಜಮ್ 66 ರನ್​ಗಳಿಸಿದರೆ, ಶೋಯಬ್ ಮಲಿಕ್ 18 ಎಸೆತಗಳಲ್ಲಿ​ ಅಜೇಯ 54 ಮತ್ತು ಹಫೀಜ್ 19 ಎಸೆತಗಳಲ್ಲಿ 31 ರನ್​ಗಳಿಸಿದ್ದರು.

190ರ ನ್​ಗಳ ಬೃಹತ್ ಗುರಿ ಬೆನ್ನಟ್ಟಿದ ಸ್ಕಾಟ್ಲೆಂಡ್​ 20 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 117 ರನ್​ಗಳಿಸಲಷ್ಟೇ ಶಕ್ತವಾಗಿ ಸೋಲು ಕಂಡಿತು.

• Onto the semis for Pakistan 💪#T20WorldCup | #PAKvSCO | https://t.co/Wbd8jqC0g6 pic.twitter.com/124R2KV60c

  — T20 World Cup (@T20WorldCup) November 7, 2021 " class="align-text-top noRightClick twitterSection" data="

  Onto the semis for Pakistan 💪#T20WorldCup | #PAKvSCO | https://t.co/Wbd8jqC0g6 pic.twitter.com/124R2KV60c

  — T20 World Cup (@T20WorldCup) November 7, 2021

  ">

  Onto the semis for Pakistan 💪#T20WorldCup | #PAKvSCO | https://t.co/Wbd8jqC0g6 pic.twitter.com/124R2KV60c

  — T20 World Cup (@T20WorldCup) November 7, 2021

ರಿಚಿ ಬ್ಯಾರಿಂಗ್ಟನ್​ 37 ಎಸೆತಗಳಲ್ಲಿ 54 ರನ್​ಗಳಿಸಿ ತಂಡದ ಗರಿಷ್ಠ ಸ್ಕೋರರ್​ ಎನಿಸಿಕೊಂಡರು. ಇವರನ್ನು ಹೊರೆತುಪಡಿಸಿದರೆ ತಂಡದ ಯಾವೊಬ್ಬ ಬ್ಯಾಟರ್​ 20ರ ಗಡಿ ದಾಟಲಿಲ್ಲ.

ಪಾಕಿಸ್ತಾನ ಪರ ಶದಬ್​ ಖಾನ್​ 4 ಓವರ್​ಗಳಲ್ಲಿ 14 ರನ್​ ನೀಡಿ 2 ವಿಕೆಟ್ ಪಡೆದರೆ, ಹಸನ್​ ಅಲಿ 33ಕ್ಕೆ 1, ರವೂಫ್ ​27ಕ್ಕೆ1 ವಿಕೆಟ್ ಪಡೆದು ಸ್ಕಾಟ್ಲೆಂಡ್​ ವಿರುದ್ಧ ಬೃಹತ್​ ಜಯ ಸಾಧಿಸಲು ನೆರವಾದರು.

ಸೂಪರ್​ 12ನಲ್ಲಿ ಪಾಕಿಸ್ತಾನ ಅಗ್ರಸ್ಥಾನ ಪಡೆದರೆ, ನ್ಯೂಜಿಲ್ಯಾಂಡ್​ 2ನೇ ಸ್ಥಾನ ಪಡೆದುಕೊಂಡಿದೆ. ಸೆಮಿಫೈನಲ್​ನಲ್ಲಿ ಪಾಕಿಸ್ತಾನ ಮತ್ತು ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲ್ಯಾಂಡ್​ ಮೊದಲ ಗುಂಪಿನ ಅಗ್ರಸ್ಥಾನಿ ಇಂಗ್ಲೆಂಡ್ ವಿರುದ್ಧ ಕಾದಾಡಲಿವೆ.