ಮುಂಬೈ: ಪಂಜಾಬ್ ಕಿಂಗ್ಸ್ ತಂಡದ ನಾಯಕ ಹಾಗೂ ಕನ್ನಡಿಗ ಕೆಎಲ್ ರಾಹುಲ್ ಅವರಿಗೆ ಸಾಕಷ್ಟು ನಾಯಕತ್ವ ಕೌಶಲ್ಯಗಳ ಕೊರತೆಯಿದೆ ಎಂದು ಭಾರತದ ಮಾಜಿ ಕ್ರಿಕೆಟಿಗ ಅಜಯ್ ಜಡೇಜಾ ವಿಶ್ಲೇಷಿಸಿದ್ದಾರೆ.
ಕಳೆದ ಎರಡು ವರ್ಷಗಳಿಂದ ಪಂಜಾಬ್ ಕಿಂಗ್ಸ್ ತಂಡವನ್ನು ಮುನ್ನಡೆಸುತ್ತಿದ್ದರೂ ರಾಹುಲ್ ಒಮ್ಮೆಯೂ ಪ್ಲೇ ಆಫ್ ತಲುಪಲು ಸಾಧ್ಯವಾಗಿಲ್ಲ. ಅವರ ನಾಯಕತ್ವದಲ್ಲಿ ಪಂಜಾಬ್ 11ರಲ್ಲಿ ಗೆಲುವು ಸಾಧಿಸಿದ್ದರೆ, 14 ಪಂದ್ಯಗಳಲ್ಲಿ ಸೋಲು ಕಂಡಿದೆ. 2020ರಲ್ಲಿ 6ನೇ ಸ್ಥಾನ ಪಡೆದರೆ, ಈ ಬಾರಿಯೂ ಆಡಿರುವ 13 ಪಂದ್ಯಗಳಲ್ಲಿ 5ರಲ್ಲಿ ಮಾತ್ರ ಜಯ ಸಾಧಿಸಿ ಟೂರ್ನಿಯಿಂದ ಹೊರಬಿದ್ದಿದೆ. ಕರ್ನಾಟಕ ಬ್ಯಾಟರ್ ರಾಹುಲ್ ನಾಯಕನಾಗಿ ತುಂಬಾ ಅನುಸರಿಸುವ ಗುಣಕ್ಕೆ ಮಾರು ಹೋಗಿದ್ದಾರೆ. ಮೃದುವಾಗಿ ಮಾತನಾಡುತ್ತಾರೆ ಅವರಲ್ಲಿ ಚುರುಕುತನವಿಲ್ಲ ಎಂದು ಜಡೇಜಾ ಅಭಿಪ್ರಾಯ ಪಟ್ಟಿದ್ದಾರೆ.
" ರಾಹುಲ್ ಕಳೆದ ಎರಡು ಆವೃತ್ತಿಗಳಲ್ಲಿ ಪಂಜಾಬ್ ಕಿಂಗ್ಸ್ ತಂಡವನ್ನು ಮುನ್ನಡೆಸಿರುವುದನ್ನು ನೋಡಿದ್ದೇವೆ. ಆದರೆ, ನನಗೆ ಅವರು ಒಬ್ಬ ನಿಜವಾದ ಲೀಡರ್ ಎಂಬ ಭಾವನೆ ಯಾವಾಗಲೂ ಅನ್ನಿಸಿಲ್ಲ. ಈ ತಂಡವೂ ಉತ್ತಮವಾಗಿ ಅಥವಾ ಕೆಟ್ಟದಾಗಿ ಪ್ರದರ್ಶನ ತೋರಿದಾಗ ನಮಗೆ ಆಡುವ 11ರ ಬಳಗವನ್ನು ಕೆಎಲ್ ರಾಹುಲ್ ಆಯ್ಕೆ ಮಾಡಿರಬಹುದು ಎಂದೂ ಅನ್ನಿಸುವುದಿಲ್ಲ, ನಿಮಗೆ ಅನ್ನಿಸುತ್ತದೆಯೇ?" ಎಂದು ಕ್ರಿಕ್ ಬಜ್ ಸಂವಾದದ ವೇಳೆ ತಿಳಿಸಿದ್ದಾರೆ.
" ಭಾರತದ ನಾಯಕನಾಗಬೇಕು ಎನ್ನುವವರು ತಮ್ಮದೇ ಆದ ಫಿಲಾಸಫಿ ಹೊಂದಿರುತ್ತಾರೆ. ಆದರೆ, ಕೆಎಲ್ ರಾಹುಲ್ರಲ್ಲಿ ಅಂತಹ ಯಾವುದೇ ಗುಣವನ್ನು ನಾನು ನೋಡಿಲ್ಲ. ಏಕೆಂದರೆ ಅವರೂ ತುಂಬಾ ಮೃದುವಾಗಿ ಮಾತನಾಡುತ್ತಾರೆ. ಎಲ್ಲದರಲ್ಲೂ ಹೊಂದಿಕೊಳ್ಳಲು ಬಯಸುತ್ತಾರೆ. ನಾಯಕನಾಗಿ ಎಲ್ಲವನ್ನು ಹೊಂದಿಕೊಳ್ಳುವುದಕ್ಕೆ ಹೋಗುವವರೂ ದೀರ್ಘಕಾಲದವರಗೆ ನಾಯಕನಾಗುತ್ತಾರೆ. ಆದರೆ, ಈ ಗುಣದ ಜೊತೆಗೆ ತಮ್ಮದೇ ಆದ ಫಿಲಾಸಫಿಯನ್ನು ಆತ ಹೊಂದಿರಬೇಕು. ಏಕೆಂದರೆ ಐಪಿಎಲ್ ತಂಡದ ನಾಯಕತ್ವ ಮತ್ತು ಭಾರತ ತಂಡದ ನಾಯಕತ್ವದ ನಡುವೆ ಬಹಳ ವ್ಯತ್ಯಾಸವಿದೆ" ಎಂದು ಜಡೇಜಾ ಅಭಿಪ್ರಾಯಪಟ್ಟಿದ್ದಾರೆ.
ರಾಹುಲ್ ಮೈದಾನದಲ್ಲೇ ಲೆಜೆಂಡರಿ ನಾಯಕ ಎಂಎಸ್ ಧೋನಿಯಷ್ಟೇ ತಾಳ್ಮೆಯಿಂದಿರುತ್ತಾರೆ. ಅದು ಒಳ್ಳೆಯ ವಿಷಯ. ಆದರೆ ನೀವೊಬ್ಬ ನಾಯಕನಾಗಬೇಕಾದರೆ ನಿಮ್ಮ ನಿರ್ಧಾರಗಳ ಬಗ್ಗೆ ಚರ್ಚಿಸುತ್ತಿರಬೇಕು. ಆದರೆ, ರಾಹುಲ್ ತಂಡದ ಆಯ್ಕೆ ಸೇರಿದಂತೆ ಪ್ರಮುಖ ವಿಚಾರಗಳಲ್ಲಿ ಜವಾಬ್ದಾರಿಯನ್ನು ವಹಿಸಿಕೊಂಡಿಲ್ಲ. ಅವರು ತಂಡವನ್ನು ನಡೆಸಲು ಬೇರೆಯವರಗೆ ಅವಕಾಶ ಮಾಡಿಕೊಟ್ಟಿದ್ದಾರೆ ಎಂದಿದ್ದಾರೆ.
ಇದನ್ನು ಓದಿ:ಗುಡ್ನ್ಯೂಸ್: ಮೈದಾನದಲ್ಲಿ ಕುಳಿತುಕೊಂಡು T 20 ವಿಶ್ವಕಪ್ ವೀಕ್ಷಣೆಗೆ ಅವಕಾಶ
