ಹೈದರಾಬಾದ್ : ಐಐಟಿ ಹೈದರಾಬಾದ್ (ಐಐಟಿಎಚ್) ಮತ್ತು ವೈಸಿಗ್ ನೆಟ್‌ವರ್ಕ್‌ಗಳು ಜಂಟಿಯಾಗಿ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ 5G ORAN ತಂತ್ರಜ್ಞಾನ ಬಳಸಿಕೊಂಡು ಮೊದಲ 5G ಡೇಟಾ ಕರೆ ಘೋಷಿಸಿವೆ.
3.3-3.5 GHz ಆವರ್ತನ ಬ್ಯಾಂಡ್‌ನಲ್ಲಿ 100MHz ಬ್ಯಾಂಡ್‌ವಿಡ್ತ್ ಅನ್ನು ಬೆಂಬಲಿಸುವ ಮಲ್ಟಿಪಲ್-ಇನ್‌ಪುಟ್ ಮಲ್ಟಿಪಲ್-ಔಟ್‌ಪುಟ್ (MIMO) ಸಾಮರ್ಥ್ಯದ ಬೇಸ್ ಸ್ಟೇಷನ್ ಅನ್ನು ಬಳಸಿಕೊಂಡು ಕರೆ ಮಾಡಬಹುದಾಗಿದೆ.
ಸಣ್ಣ ಕೋಶಗಳು, ದೊಡ್ಡ MIMO ಮ್ಯಾಕ್ರೋ ಸೆಲ್, ವಿತರಣಾ ಘಟಕ (DU) ಆಯ್ಕೆ 7.2x, mm-ತರಂಗ ಮತ್ತು ಉಪ 6 GHz ಆವರ್ತನ ಬ್ಯಾಂಡ್‌ಗಳನ್ನು ಬೆಂಬಲಿಸುವ ಸಂಯೋಜಿತ ಪ್ರವೇಶ ಬ್ಯಾಕ್‌ಹಾಲ್ (IAB) ಘಟಕ ಸೇರಿದಂತೆ ORAN ಕಂಪ್ಲೈಂಟ್ 5G ಇನ್ಫ್ರಾ ಪರಿಹಾರಗಳ ಶ್ರೇಣಿಯನ್ನು WiSig ಪ್ರಕಟಿಸಲಿದೆ.
ಈ ಪರಿಹಾರಗಳು ಮತ್ತು ಭಾರತೀಯ ವೈರ್‌ಲೆಸ್ ಉಪಕರಣ ತಯಾರಕರಿಗೆ ನೀಡುವ ಪರವಾನಿಗೆ ಆಧಾರದ ಮೇಲೆ ಉತ್ಪನ್ನಗಳು ಲಭ್ಯವಿವೆ ಎಂದು ವೈಸಿಗ್‌ನ ಪ್ರಧಾನ ವಿಜ್ಞಾನಿ ಡಾ. ಸಾಯಿ ಧೀರಾಜ್ ಹೇಳಿದ್ದಾರೆ.
ಐಐಟಿ ರಿಸರ್ಚ್ ಪಾರ್ಕ್‌ ಮತ್ತು ವೈಸಿಗ್ ನೆಟ್‌ವರ್ಕ್ಸ್ ಪ್ರೈವೇಟ್ ಲಿಮಿಟೆಡ್ 5G ಮೊಬೈಲ್ ಕಮ್ಯುನಿಕೇಷನ್ಸ್ ಪ್ರಾಡಕ್ಟ್‌ಗಳನ್ನು ಅಭಿವೃದ್ಧಿಪಡಿಸುವತ್ತ ಗಮನಹರಿಸುತ್ತಿವೆ. IITH ಮತ್ತು WiSig 100ಕ್ಕೂ ಹೆಚ್ಚು 5G ಪೇಟೆಂಟ್‌ಗಳನ್ನು ಅಭಿವೃದ್ಧಿಪಡಿಸಿದೆ ಮತ್ತು ಇದರಲ್ಲಿ 15 TSDSI ಗೆ 3GPP 5G ಮಾನದಂಡಗಳಿಗೆ ಅಗತ್ಯ ಪೇಟೆಂಟ್‌ಗಳಾಗಿವೆ ಎಂದು ಘೋಷಿಸಲಾಗಿದೆ.
ಇದು ಸ್ಥಳೀಯ 5G ಅಭಿವೃದ್ಧಿಯಲ್ಲಿ ಒಂದು ಪ್ರಮುಖ ಕ್ಷಣವಾಗಿದೆ. IIT ಹೈದರಾಬಾದ್ ಮತ್ತು WiSig ನೆಟ್‌ವರ್ಕ್‌ಗಳು ಮೊದಲ ಬಾರಿಗೆ 5G ವೈರ್‌ಲೆಸ್ ಬ್ರಾಡ್‌ಬ್ಯಾಂಡ್ ತಂತ್ರಜ್ಞಾನಗಳನ್ನು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿವೆ. ಇದರಿಂದಾಗಿ ಭಾರತವನ್ನು 5G ಮತ್ತು ಅದಕ್ಕೂ ಮೀರಿ ಮುಂಚೂಣಿಗೆ ತಂದಿವೆ.
ಈ ಸಾಮರ್ಥ್ಯಗಳೊಂದಿಗೆ ಭಾರತವು ಸ್ವಾವಲಂಬಿಯಾಗಬಹುದು. ವೈರ್‌ಲೆಸ್ ಬ್ರಾಡ್‌ಬ್ಯಾಂಡ್ ಉಪಕರಣಗಳ ವಿನ್ಯಾಸ ಮತ್ತು ತಯಾರಿಕೆಯಲ್ಲಿ ಭವಿಷ್ಯದ ಪೀಳಿಗೆ ತಂತ್ರಜ್ಞಾನ, ಉತ್ಪನ್ನಗಳು ಮತ್ತು ಸೇವೆಗಳಲ್ಲಿ ಹೆಚ್ಚು ಪ್ರಮುಖ ಪಾತ್ರವನ್ನು ವಹಿಸಬಹುದಾಗಿದೆ ಎಂದು IITH ಡೀನ್ (R&D) ಪ್ರೊ.ಕಿರನ್ ಕುಚಿ ಹೇಳಿದರು.
ಇದನ್ನೂ ಓದಿ: ಲೀಟರ್ ಪೆಟ್ರೋಲ್ಗೆ 35 ಕಿ.ಮೀ. ಮೈಲೇಜ್.. ಯೂಟ್ಯೂಬ್ ನೋಡಿ ಸ್ಪೋರ್ಟ್ಸ್ ಕಾರ್ ತಯಾರಿಸಿದ ಬಾಲಕ!
ಐಐಟಿಹೆಚ್‌ನ ನಿರ್ದೇಶಕ ಪ್ರೊ.ಬಿ.ಎಸ್. ಮೂರ್ತಿ, ವಿಶ್ವ ದರ್ಜೆಯ 5 ಜಿ ತಂತ್ರಜ್ಞಾನಗಳ ಅಭಿವೃದ್ಧಿಗೆ ಬೆಂಬಲಿಸಿದ ದೂರಸಂಪರ್ಕ ಇಲಾಖೆ (ಡಿಒಟಿ), ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ (ಮೀಟಿವೈ) ಗೆ ಧನ್ಯವಾದ ಅರ್ಪಿಸಿದರು. ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಹೈದರಾಬಾದ್ (IITH) ಭಾರತ ಸರ್ಕಾರವು 2008 ರಲ್ಲಿ ಸ್ಥಾಪಿಸಿದ ಎಂಟು ಹೊಸ IIT ಗಳಲ್ಲಿ ಒಂದಾಗಿದೆ.
