সঞ্জু দাসৰ স্মৃতিত ধুবুৰী ৰাজহ চক্ৰ বিষয়াৰ কাৰ্যালয়ত সৰ্বধৰ্মীয় প্ৰাৰ্থনা

অভিশপ্ত নাও দুৰ্ঘটনাত মৃত্যু হোৱা চক্ৰ বিষয়া সঞ্জু দাসৰ আত্মাৰ চিৰ শান্তি কামনাৰে ধুবুৰী জিলা প্ৰশাসনে আয়োজন কৰে সৰ্বধৰ্মীয় প্ৰাৰ্থনা (All-faith prayer in Dhubri Circle office) । যোৱা ২৯ ছেপ্টেম্বৰত ধুবুৰীৰ ব্ৰহ্মপুত্ৰৰ বুকুত সংঘটিত অভিশপ্ত নাও দুৰ্ঘটনাত প্ৰাণ হেৰুৱাইছিল ধুবুৰী ৰাজহ চক্ৰ বিষয়া সঞ্জু দাসৰ (Dhubri circle officer died in boat accident) । চাৰিদিনীয়া উদ্ধাৰ অভিযানৰ অন্তত মৃত অৱস্থাত উদ্ধাৰ হৈছিল সঞ্জু দাসৰ মৃতদেহ (Circle officer Sanju Das body found) । তেতিয়াৰ পৰাই ধুবুৰী ৰাজহ চক্ৰ কাৰ্যালয়ত বিৰাজ কৰিছে শোকাকুল পৰিৱেশ । শুকুৰবাৰে প্ৰয়াত চক্ৰ বিষয়া গৰাকীৰ বিদেহী আত্মাৰ চিৰ শান্তি কামনাৰ্থে কাৰ্যালয়টোত জিলা প্ৰশাসনৰ উদ্যোগত এখন সৰ্ব ধৰ্মীয় প্ৰাৰ্থনা সভাৰ আয়োজন কৰা হয় । হিন্দু, মুছলমান, শিখকে ধৰি কেইবাটাও ধৰ্মৰ ধৰ্মীয় গুৰু সকলে নিজৰ নিজৰ ধৰ্মীয় নীতি নিয়মেৰে প্ৰাৰ্থনা কৰে এই সৰ্ব ধৰ্মীয় প্ৰাৰ্থনা সভাত ।