UAE ত আইপিএল 2020

অপেক্ষাৰ অৱসান ঘটাই দ্বিতীয়বাৰৰ বাবে বিদেশৰ ভূমিত উঠিব আইপিএলৰ লহৰ ৷ নানান জল্পনা-কল্পনাৰ অন্তত 19 ছেপ্তেম্বৰৰ পৰা আৰম্ভ হ’ব আইপিএলৰ ত্ৰয়োদশ সংস্কৰণ৷ 53 দিনলৈ চলিবলগীয়া এই মহাৰণৰ অন্ত পৰিব অহা 10 নৱেম্বৰত ৷ প্ৰথমখন মেচতেই মুখামুখি হ’ব ডেফেণ্ডিং চেম্পিয়ন ৰোহিত নেতৃত্বাধীন মুম্বাই ইণ্ডিয়ানছ বনাম ধোনী নেতৃত্বাধীন চেন্নাই চুপাৰ কিংছ ৷ ডুবাই, আবু ধাবি, শ্বাৰজাহত অনুষ্ঠিত হ’ব আইপিএলৰ সমস্ত খেল৷ 10 টা কৈ ডাবুল হেডাৰ থকা এই প্ৰতিযোগিতাত অনুষ্ঠিত হ’ব সৰ্বমুঠ 60 খন মেচ ৷