Bharat Jodo Yatra : ভাৰত জোড়ো যাত্ৰাক বহুৱালি আখ্যা বিধায়ক চক্ৰধৰ গগৈৰ

কংগ্ৰেছ পুনৰুদ্ধাৰৰ বাবে ৰাহুৰ গান্ধীয়ে ভাৰত জোড়ো যাত্ৰা আৰম্ভ কৰাৰ পাছতে প্ৰদেশ কংগ্ৰেছেও ধুবুৰীৰ পৰা আৰম্ভ কৰিলে ভাৰত জোড়ো যাত্ৰা(Bharat Jodo Yatra in Assam) । কংগ্ৰেছৰ এই প্ৰচেষ্টাক শাসক দলৰ বিজেপি নেতা-বিধায়ক আৰু মন্ত্ৰী সকলে তীব্ৰ সমালোচনা কৰা পৰিলক্ষিত হৈছে । কংগ্ৰেছৰ এই ভাৰত জোড়ো যাত্ৰাক বহুৱালি আখ্যা দিলে মৰাণৰ বিধায়ক চক্ৰধৰ গগৈয়ে (MLA Chakradhar Gogoi) । বিধায়কগৰাকীয়ে কংগ্ৰেছক সমালোচনা কৰিবলৈ গৈ কয়, কংগ্ৰেছে যিমানে চেষ্টা কৰিলেও সফল হ'ব নোৱাৰে । ইতিমধ্য কংগ্ৰেছক অসমৰ ৰাইজে মনৰ পৰাই আঁতৰাই দিছে । কংগ্ৰেছে ভাৰত জোড়োৰ দৰে নাটক কৰি ২০২৪ৰ লোকসভা নিৰ্বাচন(Lok Sabha Election 2024) পাৰ হোৱাৰ চেষ্টা কৰিলেও অসমৰ ৰাইজে কংগ্ৰেছক কেতিয়াও আদৰি নল'ব বুলি কয় মৰাণৰ বিধায়ক চক্ৰধৰ গগৈয়ে ।