Fire Breakout in Jorhat: ৩৭ নং ৰাষ্ট্ৰীয় ঘাইপথত দাও দাওকৈ জ্বলিল নিষিদ্ধ প্লাষ্টিক ভৰ্তি ট্ৰাক

যোৰহাটৰ ৩৭নং ৰাষ্ট্ৰীয় ঘাইপথত ভোগদৈ আৰক্ষী চকীৰ সমীপত বুধবাৰে নিশা প্ৰায় 10 বজাত ৰাষ্ট্ৰীয় ঘাইপথত দাও দাওকৈ জ্বলিল নিষিদ্ধ প্লাষ্টিক ভৰ্তি ট্ৰাক (Fire Breakout in plastic loaded truck) ৷ এই ঘটনা দেখি অঞ্চলটোৰ স্থানীয় ৰাইজে অগ্নি নিৰ্বাপক বাহিনীক খবৰ দিয়ে (Fire Breakout in Jorhat) ৷ খবৰ পোৱা মাত্ৰকে উক্ত স্থানত অগ্নি নিৰ্বাপক বাহিনী উপস্থিত হৈ জুই নুমুৱাবলৈ চেষ্টা চলায় যদিও ট্ৰাকখনত বৃহৎ পৰিমাণৰ প্লাষ্টিক থকাৰ বাবে জুই নুমুৱাবলৈ অসুবিধাৰ সন্মুখীন হয় ৷ অৱশ্যে দীৰ্ঘ সময়ৰ পিছত জুই নিৰ্বাপন কৰাৰ হয় যদিও সম্পূৰ্ণ ৰূপে ভস্মীভূত হৈ যায় ট্ৰাকখন ৷ উল্লেখ্য যে কেন্দ্ৰীয় চৰকাৰে প্লাষ্টিক তথা মাৰাত্মক পলিথিন ব্যৱহাৰ আৰু প্ৰচলন নিষিদ্ধ ঘোষণা কৰাৰ পিছত একাংশ অসাধু ব্যৱসায়ীয়ে অধিক মুনাফা লাভৰ স্বাৰ্থত গোপনে সৰবৰাহ কৰি আছে ৷ জানিব পৰা মতে অৱৈধভাৱে নিষিদ্ধ পলিথিন অনা কথা বিভাগীয় কৰ্তৃপক্ষই অৱগত হোৱাৰ তথ্য লাভ কৰিয়ে ট্ৰাকখনকে জ্বলাই দিয়ে অবৈধ সৰবৰাহকাৰীয়ে ৷ আনহাতে ভোগদৈ আৰক্ষী চকীৰ পৰা মাত্ৰ ২০০ মিটাৰ আতৰত এই ঘটনা সংঘটিত হয় যদিও আৰক্ষী উপস্থিত হ’বলৈ উক্ত স্থানত ত্ৰিশ মিনিটতকৈও অধিক সময়ৰ প্ৰয়োজন হৈছিল বুলি স্থানীয় ৰাইজে জানিবলৈ দিয়ে ৷