PPE Kit controversy: মুখ্যমন্ত্ৰীৰ পদত্যাগ দাবী আম আদমি পাৰ্টিৰ

৫০ হেজাৰ পি পি ই কিটৰ হিচাপ বিচাৰি সোমাবাৰে ৰাজ্যজুৰি বিক্ষোভ কাৰ্য্যসূচী ৰূপায়ণ কৰে আম আদমি পাৰ্টিয়ে (APP protest in Lakhimpur)। লখিমপুৰতো আম আদমি পাৰ্টিৰ লখিমপুৰ জিলা সমিতিয়ে বিক্ষোভ পালন কৰে । জিলা উপায়ুক্তৰ কাৰ্যালয়ৰ সন্মুখত বিক্ষোভ প্ৰদৰ্শন কৰি উত্তাল কৰি তোলে পৰিৱেশ । প্ৰতিবাদৰ জড়িয়তে পিপিই কিট কেলেংকাৰীৰ ওপৰত চি বি আইৰ তদন্তৰো দাবী কৰে আপে । পিপিই কিটৰ কেলেংকাৰীৰে ৰাজ্যবাসীক প্ৰতাৰণা কৰাৰ অভিযোগ কৰি ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ পদত্যাগ দাবী কৰে প্ৰতিবাদকাৰীসকলে (PPE Kit controversy of Assam CM)।