চিটাৰা ডেস্ক, 16 জুন: কেকটাচ হয়তো সকলোৱে চিনি পাই নহয় নে ? কিন্তু কেকটাচৰ উপকাৰিতাৰ বিষয়ে জানেনে বাৰু আপুনি ৷ মেক্সিকো আৰু আমেৰিকাত হাজাৰ হাজাৰ বছৰ ধৰি নোপাল কেকটাচক (Nopal Cactus) প্ৰাকৃতিক ঔষধ হিচাপে ব্যৱহাৰ কৰি আহিছে । কেৱল প্ৰাকৃতিক ঔষধ হিচাপেই নহয় কেকটাছে সুস্থ জগত আৰু সৌন্দৰ্যৰ সামগ্ৰীত নিজৰ স্থান দখল কৰি আহিছে । কেকটাচ গছত প্ৰচুৰ পৰিমাণে আঁহ, এন্টিঅক্সিডেন্ট আৰু ভিটামিন পোৱা যায়, যাৰ বাবে ই স্বাস্থ্যৰ বাবে উপকাৰী ।
কাঁইটীয়া কেকটাচ গছ দেখাত আকৰ্ষণীয় । অৱশ্যে কাঁইটীয়া হ’লেও সিমানেই ৰোগ নিৰাময় কৰে এই কেকটাচে । কেকটাচত পুষ্টিকৰ উপাদান পোৱা যায়, যিবোৰ বহু ৰোগ নিৰাময়ত ফলপ্ৰসূ হয় । বহু ঠাইত ইয়াক হথৰ্ন নামেৰেও জনা যায় আৰু ইয়াক ঔষধ প্ৰস্তুত কৰাতো ব্যৱহাৰ কৰা হয় । ইয়াৰ কিছু উপকাৰিতাৰ বিষয়ে জানো আহক ।
কেকটাচৰ উপকাৰিতাৰ
১/ ছালৰ বাবে উপকাৰী কেকটাচ
ছালৰ বাবে হথৰ্ন অইল অতি উপকাৰী । ইয়াক ব্যৱহাৰ কৰিলে ছালখন চিকচিকিয়া হৈ পৰে । হথৰ্নত থকা ভিটামিন-এ য়ে ছালখনক সুস্থ কৰি তোলাত সহায় কৰে ।
২/ ডায়েবেটিছত ফলপ্ৰসূ
হথৰ্নত আঁহ থাকে যি ডায়েবেটিছ ৰোগীৰ বাবে সহায়ক হয় । ই তেজত চেনিৰ মাত্ৰা নিয়ন্ত্ৰণ কৰে, গতিকে ডায়েবেটিছ ৰোগীৰ বাবে হথৰ্ন অতি প্ৰয়োজনীয় ।
৩/ কৰ্কট ৰোগত ই ফলপ্ৰসূ
যদি সময়ত নিয়মিতভাৱে হথৰ্ন সেৱন কৰা হয়, তেন্তে ই কেন্সাৰ ৰোগী আৰু স্বাভাৱিক লোকক কেন্সাৰৰ পৰা ৰক্ষা কৰাত সহায় কৰে। ইয়াৰ এন্টি-কাৰচিনোজেনিক গুণ আছে। ইয়াৰ উপৰিও ইয়াত ভিটামিন চিও থাকে যিয়ে ৰোগ প্ৰতিৰোধ ক্ষমতা বৃদ্ধি কৰে।
৪/ ওজন কমাবলৈ সহায়ক
হথৰ্ন মানুহে চালাডৰ ৰূপতো ব্যৱহাৰ কৰে । ইয়াক খালে ওজন কমাব পাৰি । যদি আপোনাৰ ওজন বেছি হয় তেন্তে কাঁইটবোৰ আঁতৰাই ওপৰৰ তৰপটো আঁতৰোৱাৰ পিছত খাব লাগে ।
৫/ হাড়বোৰ মজবুত হয়
হথৰ্নত কেলচিয়াম প্ৰচুৰ পৰিমাণে পোৱা যায়, যিটো হাড় শক্তিশালী কৰাত ফলপ্ৰসূ হয় ।
কেকটাচৰ অপকাৰিতা
কেকটাছৰ অপকাৰিতা কথা ক’বলৈ গ’লে কিছুমান বিশেষ ক্ষেত্ৰত ইয়াৰ অত্যধিক পৰিমাণে তলত দিয়া লক্ষণসমূহ দেখুৱাব পাৰে ।
১) তেজত শৰ্কৰা হ্ৰাস কৰাৰ গুণ আছে। গতিকে চেনিৰ ঔষধ সেৱন কৰা এনে লোকে ইয়াৰ ব্যৱহাৰ পৰিহাৰ কৰিব লাগে। ঔষধৰ লগতে ইয়াক সেৱন কৰিলে হাইপ’গ্লাইচেমিয়া (তেজৰ চেনিৰ পৰিমাণ অতিমাত্ৰা হ্ৰাস) হোৱাৰ সম্ভাৱনা থাকে।
২) আঁহৰ উপস্থিতিৰ বাবে ইয়াক অতিৰিক্তভাৱে সেৱন কৰিলে পেটৰ লগত জড়িত সমস্যা (যেনে গেছ, কোষ্ঠকাঠিন্য আৰু পেটৰ বিষ) হ’ব পাৰে।
৩) একে সময়তে ইয়াত থকা কেলচিয়ামে বৃক্কত পাথৰ আৰু হৃদযন্ত্ৰৰ সমস্যাৰ সৃষ্টি কৰিব পাৰে ।
লগতে পঢ়ক: মাত্ৰ ৩ দিনত তৰমুজ খাই কম কৰক কেইবাকিলো ওজন; জানো আহক Watermelon weight loss diet planৰ বিষয়ে
