তিনিচুকীয়াত বলীন চেতিয়াক ক’লা পতাকা প্ৰদৰ্শন

স্বয়ং বাসগৃহৰ সন্মুখতে বৃহস্পতিবাৰে ক’লা পতাকাৰ সন্মুখীন হয় শদিয়া বিধানসভা সমষ্টিৰ বিধায়ক বলীন চেতিয়া ৷ দলীয় কাৰ্যসূচীত অংশগ্ৰহণ কৰিবলৈ আহি শদিয়াৰ চপাখোৱাত নাগৰিকত্ব সংশোধনী আইনৰ প্ৰতিবাদকাৰীৰ সন্মুখীন হয় বিধায়কগৰাকী ৷

শদিয়া,9 নৱেম্বৰঃ বিজেপিৰ মন্ত্ৰী বিধায়কৰ বিপক্ষে এতিয়াও জ্বলি আছে ৰাইজৰ ক্ষোভৰ দাবানল ৷ স্বয়ং বাসগৃহৰ সন্মুখতে বৃহস্পতিবাৰে ক’লা পতাকাৰ সন্মুখীন হয় শদিয়া বিধানসভা সমষ্টিৰ বিধায়ক বলীন চেতিয়া ৷ দলীয় কাৰ্যসূচীত অংশগ্ৰহণ কৰিবলৈ আহি শদিয়াৰ চপাখোৱাত নাগৰিকত্ব সংশোধনী আইনৰ প্ৰতিবাদকাৰীৰ সন্মুখীন হয় বিধায়কগৰাকী ৷ স্থানীয় আছু, যুৱ ছাত্ৰ পৰিষদ, টাইপাকে ধৰি বিভিন্ন জাতীয়-জনগোষ্ঠীয় সংগঠনৰ সদস্যই বিজেপি বিধায়ক চেতিয়াক নিজা বাসগৃহৰ সন্মুখতে প্ৰদৰ্শন কৰে ক’লা পতাকা ৷

বিষম পৰিস্থিতিৰ উমান পাই বিধায়কজনে খৰখেদাকৈ পলাই নিৰাপদ দুৰত্বত অৱস্থান কৰে ৷ আৰক্ষী প্ৰশাসনে ঘটনাস্থলীত উপস্থিত হৈ প্ৰতিবাদকাৰীসকলক বাধা দিয়াৰ চেষ্টা কৰে যদিও বিফল হয় ৷

লগতে চাওকঃমোজাম্মিলৰ ৰক্তে পাই ভাষা জিলমিল..!