তিনিচুকীয়া, 18 ডিচেম্বৰ : শুকুৰবাৰে তিনিচুকীয়া জিলাৰ জানমুখৰ লেজাইহোলাত প্ৰশাসনে উচ্ছেদ অভিযান চলায় ৷ স্থানীয় ৰাইজৰ তৎপৰতাত জিলা প্ৰশাসনে উচ্ছেদ অভিযান চলায় ৷ অভিযোগ অনুসৰি, ফিল'বাৰী, লাইকা, দডিয়া আদি বিভিন্ন ঠাইৰ পৰা সন্দেহজনক লোকে প্ৰশাসনক নজনোৱাকৈ নিশাৰ ভাগত ঘৰ সাজি চৰকাৰী ভূমিত বসবাস কৰাৰ অভিযোগ উত্থাপন হৈছিল ।
লগতে পঢ়ক : বৰপেটাৰ যৌন নিৰ্যাতনৰ অভিযুক্তক 5 বছৰ সশ্ৰম কাৰাদণ্ড
সংবাদ মাধ্যমৰ আগত ৰাজহ চক্ৰ বিষয়াই জনোৱা অনুসৰি, চৰকাৰী 12 নং দাগত সৰ্বমুঠ 173 টা পৰিয়ালে ইতিমধ্যে বেদখল কৰি আছে । ইতিমধ্যে, উক্ত বিষয় সন্দৰ্ভত এখন ভূমি উপদেষ্টা সমিতিৰ বৈঠক অনুষ্ঠিত হৈ গৈছে । য'ত 173 পৰিয়ালক ভূমি আৱন্টন কৰি দিবলৈ ৰাজহ চক্ৰ বিষয়াৰ যোগেদি চৰকাৰলৈ প্ৰস্তাৱ প্ৰেৰণ কৰিছে ।
আনহাতে, 173 টা পৰিয়ালৰ বাহিৰে অন্য বহুতো লোকে ভূমি দখল কৰি নিশাৰ ভাগত ঘৰ সজাৰ অভিযোগ উত্থাপন হৈছিল আৰু সেই সমূহ অবৈধলোকৰ ঘৰসমূহ প্ৰশাসনে উচ্ছেদ অভিযান চলায় ৷
লগতে পঢ়ক : চিৰাঙত চাওঁতাল ছাত্ৰ সন্থাৰ বিজয় উৎসৱ উদযাপন
