তিনিচুকীয়া, 22 আগষ্ট: তিনিচুকীয়া জিলাৰ কাকপথাৰৰ তেজি গাঁৱত অনুষ্ঠিত হয় কৃষি সজাগতা সভা৷ অসম মৰাণ সভাৰ উদ্যোগত কাকপথাৰ আঞ্চলিক সমিতি আৰু তিনিচুকীয়া জিলা কৃষি বিভাগৰ তত্ত্বাৱধানত অনুষ্ঠিত হোৱা এই কৃষি সজাগতা সভাত বিভিন্ন খেতিৰ লগতে মীন আৰু পশুপালনৰ ওপৰত কৃষি বিষয়াসকলে দিহা পৰামৰ্শ আগবঢ়ায়৷ কৃষক সকলে বছৰেকত এটা খেতি কৰিয়েই মাটি ডোখৰ পেলাই নথৈ কেনেদৰে কেইবাটাও খেতি কৰি স্বাৱলম্বী হ'ব পাৰি তাৰ ওপৰতো বিষদভাৱে আলোচনা কৰা হয় সভাখনত৷
তিনিচুকীয়াৰ কাকপথাৰত কৃষি সজাগতা সভাৰ আয়োজন
অঞ্চলটোৰ প্ৰায় শতাধিক কৃষক উপস্থিত থকা সজাগতা সভাখনত খেতিৰ উপৰিও মীন আৰু পশুপালনৰ ক্ষেত্ৰত চৰকাৰীভাৱে বহুতো সুবিধা দিয়াৰ কথা উল্লেখ কৰা হয়৷ লগতে নিৰ্দিষ্ট বিভাগৰ কাৰ্যালয়ত আগতিয়াকৈ যোগাযোগ কৰি চৰকাৰী সুবিধা লৈ কৃষক সকলে আধুনিক কৃষি প্ৰদ্ধতিৰে বিজ্ঞানসন্মত ভাবে আগবাঢ়ি আহিবলৈ কৃষকসকলক আহ্বান জনোৱা হয় উক্ত সভাখনত৷
