ৰঙাপৰা, 9 মে’: শোণিতপুৰৰ মিছামাৰীত সংঘটিত হয় এক নৃশংস হত্যাকাণ্ড । তিনি সন্তানৰ মাতৃক মৰিয়াই হত্যা কৰিলে স্বামীয়ে (Man brutally murdered his wife in Sonitpur)৷ এই ঘটনাই সমগ্ৰ অঞ্চলত সৃষ্টি কৰিছে তীব্ৰ চাঞ্চল্যৰ ৷
মিছামাৰীৰ বেলিশিৰি আৰক্ষী চকীৰ অন্তৰ্গত খুটাপোটা গাঁৱৰ নিৱাসী বুলু কালন্দিয়ে (৪০) পত্নী তথা তিনিটা সন্তানৰ মাতৃ ৰীণা কালন্দিৰ সৈতে প্ৰথমে তৰ্ক বিৰ্তকত লিপ্ত হয় । বাক বিতণ্ডাত অগ্নিশৰ্মা হৈ স্বামী বুলুয়ে পত্নীক এডাল খৰিৰে মূৰত প্ৰচণ্ড জোৰেৰে প্ৰহাৰ কৰাত লগে লগে মাটিত ঢলি পৰে ৰীণা কালন্দি (Murder in Sonitpur)। উল্লেখ্য যে, দৰিদ্ৰ পৰিয়ালটোৰ স্বামী-পত্নীৰ মাজত প্ৰায়েই সংঘাট হৈ অহা বুলি জানিব পৰা গৈছে ।
ইফালে ঘটনাৰ খবৰ পোৱাৰ পাছতে বেলিশিৰি আৰক্ষী চকীৰ ভাৰপ্ৰাপ্ত আৰক্ষী বিষয়া কুৰবান আলি শ্বেখ ঘটনাস্থলীত উপস্থিত হৈ হত্যাকাৰী স্বামীক আটক কৰাৰ লগতে মৃতদেহটো উদ্ধাৰ কৰি মিছামাৰী আৰক্ষী থানালৈ লৈ যায় । আৰক্ষীয়ে থানাত এটি গোচৰ ৰুজু কৰাৰ লগতে হত্যাকাৰী স্বামীক আটক কৰি সোমবাৰে কাৰাগাৰলৈ প্ৰেৰণ কৰে ।
লগতে পঢ়ক: Tense situation in Rangalu: অপৰাধীক কৰায়ত্ব কৰিবলৈ যোৱা আৰক্ষীক আক্ৰমণ
