আমগুৰি,23 ফেব্ৰুৱাৰী: ৰাজ্যত সমাগত বিধানসভা নিৰ্বাচনক কেন্দ্ৰ কৰি ৰাজনৈতিক দলসমূহৰ মাজত তৎপৰতা বৃদ্ধি পোৱা পৰিলক্ষিত হৈছে ৷ তাৰ প্ৰভাৱ পৰা দেখা গ’ল শিৱসাগৰ জিলাৰ আমগুৰি সমষ্টিত ৷ ৰূপহীমুখৰ বান-খহনীয়া প্ৰতিৰোধৰ বাবে ১১,৭৯৭৩ কোটি টকীয়া আঁচনিৰ আধাৰশিলা স্থাপন কৰে বিধায়ক প্ৰদীপ হাজৰিকাই ৷
উল্লেখ্য যে, আৰটিকুলেটেড গ্ৰাউট ফিল্ড মেট্ৰেছ প্ৰযুক্তিৰে শিৱসাগৰ জিলা জলসম্পদ বিভাগে ৰূপায়ণ কৰিব এই আঁচনি ৷ আঁচনিখনৰ যোগেদি ৰূপহীমুখৰ এক দীৰ্ঘদিনীয়া সমস্যা সমাধান হ'ব ৷ শীঘ্ৰে এই আঁচনি কাৰ্যকৰী হ'ব সদৰী কৰিছে বিভাগীয় অভিযন্তাই ৷
জানিব পৰা মতে, ১৯৫০ চনৰ পৰা প্ৰতি বছৰে ধাৰাবাহিকভাৱে ৰূপহীমুখবাসীয়ে বান আৰু খহনীয়াত সৰ্বশ্ৰান্ত হৈ পৰিছিল । বহুলোকৰ মাটি, ভেটি, ঘৰ-দুৱাৰ ব্ৰহ্মপুত্ৰত জাহ গৈছিল । ফলত প্ৰতি বছৰে স্থানীয় লোকে জন প্ৰতিনিধি আৰু বিভাগীয় বিষয়া-কৰ্মচাৰীক এই সমস্যা সমাধানৰ দাবীত আবেদন-নিবেদন জনাই আহিছিল ।
