আমগুৰি, ২৮ জুলাই : অসম-মিজোৰাম সীমান্তত সীমা বিবাদক কেন্দ্ৰ কৰি মিজো আৰক্ষী আৰু মিজো দুৰ্বৃত্তৰ গুলীত নিহত হোৱা অসম আৰক্ষীৰ বীৰ শ্বহীদলৈ শিৱসাগৰ জিলাৰ আমগুৰিৰ অন্তৰ্গত চামগুৰিত বুধবাৰে শ্বহীদৰ আত্মাৰ সদগতি কামনা আৰু সন্মানাৰ্থে ৰাজহুৱা শ্ৰদ্ধাঞ্জলি অনুষ্ঠানৰ আয়োজন কৰা হয় । যুৱ সমাজকৰ্মী পল্লৱজ্যোতি গগৈয়ে আঁত ধৰা অনুষ্ঠানটোত ছয়গছি বন্তি প্ৰজ্বলন কৰা হয় । উক্ত অনুষ্ঠানত বিশিষ্ট অতিথি হিচাপে আমগুৰি থানাৰ ভাৰপ্ৰাপ্ত বিষয়া নাৰায়ণ বড়ো, অৱসৰপ্ৰাপ্ত প্ৰধান শিক্ষক বুদ্ধেশ্বৰ শেনচোৱা, শিক্ষক তথা সমাজকৰ্মী আব্দুল জাব্বাৰ, সমাজকৰ্মী মুইদ আলী, মহম্মদ দুলু হাজৰিকাৰ লগতে বহুকেইজন স্থানীয় যুৱক উপস্থিত থাকে ।
লগতে পঢ়ক : অনিয়ন্ত্ৰণত অসম-মিজোৰাম সীমান্তৰ পৰিস্থিতি: মিজোৰ গুলীত নিহত 6 অসম আৰক্ষীৰ জোৱান
