নগাঁও, 17 ডিচেম্বৰ: ৰাজনৈতিক দল সমূহৰ প্ৰায় এমাহ যোৰা ৰাজনৈতিক তৎপৰতাৰ অন্তত বৃহস্পতিবাৰে ৰাজ্যত অনুষ্ঠিত হয় তিৱা স্বায়ত্ব শাসিত পৰিষদৰ নিৰ্বাচন ৷ কটকটীয়া নিৰাপত্তাৰ মাজেৰে অনুষ্ঠিত হ'ল শাসিত পৰিষদৰ নিৰ্বাচন ৷ চাবুকধৰা চাৰিপুনিয়া সমষ্টিৰ পৰা প্ৰতিদ্বন্দ্বীতা কৰা বিজেপি প্ৰাৰ্থী মদন দেউৰীয়ে ভোটদান কৰি সংবাদ মাধ্যমৰ সন্মুখত তেওঁৰ কোনো প্ৰতিদ্বন্দ্বী নহয় বুলি দাবী কৰে ৷ উল্লেখ্য যে, তিৱা স্বায়ত্বশাসিত পৰিষদৰ প্ৰাক্তন কাৰ্যবাহী সদস্য ৰমাকান্ত দেউৰীৰ পুত্ৰ মদন দেউৰীয়ে নিৰ্বাচনত অৱতীৰ্ণ হৈছে ১৮ নং চাবুকধৰা চাৰিপুনিয়া সমষ্টিৰ পৰা ৷
বৃহস্পতিবাৰে পুৱাৰ পৰা অনুষ্ঠিত হোৱা মধ্য অসমৰ তিৱা নিৰ্বাচনৰ সমষ্টিটোৰ পৰা কংগ্ৰেছ দলৰ প্ৰাৰ্থী দুলাল দেউৰী আৰু তিৱা ঐক্যমঞ্চৰ পৰা পণ্ডিত বৰদলৈ অৱতীৰ্ণ হৈছে ৷ সমষ্টিটোত ত্ৰিকোণীয়া যুজঁ হোৱাৰ সম্ভাৱনা আছে যদিও বিজেপি প্ৰাৰ্থী মদন দেউৰীৰ কোনো প্ৰতিদ্বন্দ্বী নাই বুলি দাবী কৰিছে প্ৰাৰ্থীগৰাকীয়ে ৷
