নগাঁও,১ ছেপ্তেম্বৰ : আফগানিস্তানৰ শেহতীয়া পৰিস্থিতিৰ সাক্ষী সমগ্ৰ বিশ্ব । বৰ্ণনা কৰিব নোৱাৰা পৰিৱেশৰ সৃষ্টি হৈছে আফগানিস্তানত । তালিবানৰ (Taliban) ভয়ত বহু লোকে নিজ দেশ এৰি পলায়ন কৰিছে ।
যোৱা দিনকেইটাত ভাৰতলৈও প্ৰাণৰ ভয়ত পলাই আহিছে বহু আফগানিস্তানী লোক । তাৰ ভিতৰত অসমলৈ অহা এগৰাকী আফগান নাগৰিকে বৰ্ণনা কৰিলে আফগানিস্তানৰ ভয়ংকৰ পৰিৱেশৰ কথা । তালিবানৰ ভয়ত লোকজনে প্ৰায় ১৮-২০ দিন পূৰ্বে অসমলৈ আহিছে ।
সম্প্ৰতি লোকজন নগাঁও জিলাত আছে । লোকজনৰ নাম আব্দুল খান । সম্প্ৰতি পত্নী আৰু দুই সন্তানৰ সৈতে যোগাযোগ স্থাপন কৰিব পৰা নাই আব্দুলে । তেওঁ জনোৱা মতে পত্নী আৰু সন্তানক তাজিকিস্তানলৈ পঠিয়াইছে আৰু তেওঁ অসমলৈ আহিছে ।
লোকজনে কেমেৰাৰ সন্মুখত বৰ্ণনা কৰিলে তালিবানৰ বৰ্বতাৰ কথাবোৰ । লোকজনৰ মতে আফগানিস্তানৰ তুলনাত অসম বহুত উন্নত । তেওঁৰ মতে ইয়াত শান্তি আছে আৰু অসমৰ লোকসকলৰ মাজত মিলাপ্ৰীতি আৰু ভাতৃত্ববোধ দেখি তেওঁ আপ্লুত হৈ পৰিছে ।
লগতে পঢ়ক :চাপৰ বিদ্যুৎ উপ-সংমণ্ডলৰ কাম-কাজৰ বুজ ল'লে মন্ত্ৰী বিমল বৰাই
