মৰিগাঁও, 8 এপ্ৰিল : মৰিগাঁৱৰ গেৰুৱাত সংঘটিত বিধ্বংসী অগ্নিকাণ্ড ৷ বুধবাৰে নিশা সংঘটিত হোৱা এই অগ্নিকাণ্ডত দুখনকৈ দোকান নিমিষতে জাহ যায় ৷ ভূৰাগাঁও থানাৰ অন্তৰ্গত গেৰুৱা চাৰিআলিৰ সমীপৰ নৰেশ্বৰ ৰজা নামৰ লোক জনৰ ঘৰৰ সন্মুখত থকা দোকানৰ পৰা সংঘটিত হয় অগ্নিকাণ্ডটো ৷
মৰিগাঁও গেৰুৱাত বিধ্বংসী অগ্নিকাণ্ড
জুইৰ ফলত দুখনকৈ দোকান জাহ যায় যদিও অগ্নি নিৰ্বাপক বাহিনী আৰু অঞ্চলৰ ৰাইজৰ সহযোগত জুই নুমুৱাবলৈ সক্ষম হয় আৰু অগ্নিকাণ্ড পৰা ৰক্ষা পৰে অঞ্চলটো ৷ অগ্নিকাণ্ডটোত কেইবা লক্ষাধিক মূল্যৰ সামগ্ৰী ভষ্মীভূত হোৱাৰ আশংকা কৰে স্থানীয় ৰাইজে ৷ উল্লেখযোগ্য যে, বৈদ্যুতিক শ্বট চাৰ্কিটৰ ফলত অগ্নিকাণ্ডৰ সূত্ৰপাত হয় বুলি জানিব পৰা গৈছে ৷
লগতে পঢ়ক : জনীয়াত বিদ্যুৎ বিভাগৰ কৰ্মচাৰীক প্ৰহাৰ
