মাজুলী, 1 জুন: সোমবাৰৰ পৰা পুনৰ মুকলি কৰা হৈছে কৰ'ণা সন্ত্ৰাসৰ বাবে বন্ধ হৈ থকা মাজুলীৰ ফেৰী সেৱা ৷ প্ৰশাসনৰ নিৰ্দেশনাত পুনৰ আৰম্ভ হৈছে মাজুলী-যোৰহাট সংযোগী নিয়মীয়া ফেৰীসেৱা ৷ সোমবাৰৰ পৰা পুনৰ নিময়ীয়া ভাৱে ফেৰী চলাচলৰ বাবে অনুমতি প্ৰদান কৰিছে মাজুলীৰ জিলা দণ্ডাধীশ বিক্ৰম কৈৰীয়ে ৷
পুনৰ আৰম্ভ মাজুলী আৰু নিমাতি ঘাটৰ মাজৰ ফেৰীসেৱা
উল্লেখ্য যে, কোভিড-১৯ সম্পৰ্কীয় সকলো সতৰ্কতামূলক ব্যৱস্থাৰ মাজেৰে প্ৰতিখন ফেৰীতে মুঠ যাত্ৰী আসনৰ ৫০ শতাংশ যাত্ৰীহে উঠাব পাৰিব ৷ কমলাবাৰী-নিমাতীঘাট আৰু অফলামুখ-নিমাতীঘাটৰ মাজৰ এই নিয়মীয়া ফেৰী সেৱা পূৰ্বৰ দৰেই আভ্যন্তৰীণ জলপৰিবহণ বিভাগে পৰিচালনা কৰিব।
