নগৰবেৰা, ৩০ অক্টোবৰ : নগৰবেৰাত আভ্যন্তৰীণ জল পৰিবহণ বিভাগৰ কাৰ্যবাহী অভিযন্তাক ঘেৰাও কৰি প্ৰতিবাদ সাব্যস্ত কৰে শতাধিক ছাত্ৰ-ছাত্ৰীয়ে (gheraoing executive engineer of IWT department) । বিভাগটোৰ এক টোঘলকী সিদ্ধান্তৰ বিৰুদ্ধে জাঙুৰ খাই উঠিছে নগৰবেৰাৰ প্ৰায় ৩০ খন গাঁৱৰ লক্ষাধিক লোক (Protest against executive engineer of IWT) ।
অভিযোগ মতে, নগৰবেৰাৰ ডি বি আৰ পি পাৰঘাটত অঞ্চলটোৰ লক্ষাধিক লোকৰ সুচল যাতায়াতৰ বাবে একাংশ লোকে নিৰ্মাণ কৰা কোটি দলং জিলা প্ৰশাসনে ৮ মাহ পূৰ্বে লোক নিৰ্মাণ (Lok Nirman Department) বিভাগক চমজাই দিয়ে । কিন্তু লোক নিৰ্মাণ বিভাগে দলংখনৰ ন্যূনতম মেৰামতি নকৰাত জৰাজীৰ্ণ হৈ পৰিছে দলংখন ।
এনে পৰিস্থিতিত দলংখন যাতায়াতৰ বাবে বন্ধ কৰি পুনৰ নাৱেৰে পাৰাপাৰৰ ব্যৱস্থা কৰাৰ কথা জানিব পাৰি ক্ষোভত ফাটি পৰিছে অঞ্চলবাসীয়ে (dangerous transportation by boat) । ৰাজ্য চৰকাৰৰ বিয়াগোম লোক নিৰ্মাণ বিভাগে এখন কাঠৰ দলং মেৰামতি কৰিব নোৱাৰি পুনৰ নাৱেৰে বিপজ্জনক যাতায়াত আৰম্ভ কৰিব বিচাৰিছে । এয়া চৰকাৰৰ এক টোঘলকী সিদ্ধান্ত বুলি কটাক্ষ কৰিছে স্থানীয় লোকে (local people anger against IWT department) ।
ঘটনাৰ বুজ ল'বলৈ নগৰবেৰাত উপস্থিত হোৱা আভ্যন্তৰীণ জল পৰিবহণ বিভাগৰ কাৰ্যবাহী অভিযন্তাক ঘেৰাও কৰি তীব্ৰ প্ৰতিবাদ সাব্যস্ত কৰাৰ লগতে কোনোপধ্যেই এই সিদ্ধান্তক মানি নোলোৱাৰ হুংকাৰ দিয়ে (protest at Nagarbera) । জলজলী নদীৰ ওপৰত থকা কাঠৰ দলংখন মেৰামতি কৰি যাতায়াত বাহাল ৰখাৰ দাবী জনাইছে ৰাইজে । জীৱনৰ নিৰাপত্তাক লৈ হেতালি খেলা জল পৰিবহণ বিভাগৰ বিৰুদ্ধে ঐক্যবদ্ধ আন্দোলনৰ হুংকাৰ দিয়ে ছাত্ৰ-ছাত্ৰীৰ লগতে অঞ্চলবাসীয়ে ।
শীঘ্ৰে দলংখন মেৰামতি তথা পুনৰ নিৰ্মাণ কৰি বৃহত্তৰ অঞ্চলটোৰ লক্ষাধিক লোকৰ সুচল যাতায়াত ব্যৱস্থা বাহাল ৰাখিবলৈ ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাক দাবী জনাইছে স্থানীয় ৰাইজে (CM Himanta Biswa Sarma) ।