গুৱাহাটী, ১ ডিচেম্বৰ: থাইৰয়ড হৈছে এটি সৰু গ্ৰন্থি । ডিঙিত থকা এই গ্ৰন্থিটোৱে নিঃসৰণ কৰা হৰম’নে আমাৰ শৰীৰৰ বিভিন্ন গুৰুত্বপূর্ণ অংগসমূহৰ কাৰ্য নিয়ন্ত্ৰণ কৰে । সেইবাবে এই হৰম’ন নিয়ন্ত্ৰণত থকাটো গুৰুত্বপূর্ণ । শ্বাস- প্ৰশ্বাসৰ পৰা আৰম্ভ কৰি হৃদস্পন্দন, শৰীৰৰ ওজন, হজম হোৱালৈকে ই সহায় কৰে । থাইৰয়ড দুই ধৰণৰ- হাইপাৰ থাইৰয়ড আৰু হাইপ’ থাইৰয়ড ।
থাইৰয়ডৰ লক্ষণসমূহ কি কি ?
১) নাড়ীৰ গতি স্বাভাৱিকতকৈ বৃদ্ধি হ’ব পাৰে ।
২) হৃদস্পন্দন বৃদ্ধি পায় ।
৩) খুৱ বেছি গৰম লাগিব পাৰে । মাজে মাজে প্ৰচুৰ পৰিমাণে ঘাম ওলাব ৷
৪) এনে সমস্যায়ত ভোগা ৰোগীয়ে সঘনাই ক্লান্তিবোধ কৰে । অর্থাৎ সোনকালে ভাগৰ লাগে ।
৫) খুৱ বেছি ভোক লাগিব পাৰে ।
৬) বিশেষ কাৰণ নোহোৱাকৈ শৰীৰৰ ওজন হ্ৰাস পোৱাটো আন এক লক্ষণ হিচাপে গণ্য কৰা হয় ।
৭) ছালখন শুষ্ক হোৱাৰ লগতে খজুৱতি আৰম্ভ হয় ।
৮) থাইৰয়ডৰ আন এক লক্ষণ হৈছে কোনো কাৰণ নোহোৱাকৈ কেইবাদিন ধৰি ঠাণ্ডা অনুভৱ হোৱা ।
৯) হঠাতে শৰীৰৰ ওজন বৃদ্ধি পাব পাৰে । ভৰি ফুলি যাব পাৰে ।
১০) এই ৰোগৰ আন এক লক্ষণ হৈছে পেশীৰ দুৰ্বলতা ।
থাইৰয়ড হ’লে কেনেধৰণৰ খাদ্য গ্ৰহণ কৰিব লাগে ?
নিয়মীয়াকৈ আয়োডিনযুক্ত আহাৰ খাব লাগে । বিশেষকৈ হাইপ’থাইৰয়ড অৰ্থাৎ কম পৰিমাণে আইৰয়ড হৰম’ন নিঃসৰণ হ’লে এনে আহাৰ খাবই লাগিব । খাদ্যত সদায় আয়োডিনযুক্ত নিমখহে ব্যৱহাৰ কৰিব লাগে । বিশেষকৈ গৰ্ভৱতী মহিলাসকলৰ ক্ষেত্ৰত আয়োডিনযুক্ত নিমখ ব্যৱহাৰৰ কৰাটো অতি গুৰুত্বপূৰ্ণ । ইয়াৰোপৰি শাক-পাচলি, ফল-মূল, আদি খাব লাগে ।
থাইৰয়ড হ’লে কেনেধৰণৰ খাদ্য গ্ৰহণ কৰিব নালাগে ?
১) বন্ধাকবি, ওলকবি, বেঙেনা, কচু আদি খাব নালাগে ।
২) চৰ্বিযুক্ত খাদ্য বিশেষকৈ বাটাৰ বা মাখন, মাংস, চকলেট, কেক আদি খাব নালাগে ।
লগতে পঢ়ক: মূৰৰ বিষ কিয় হয়? চিকিৎসাবিজ্ঞানৰ মতে কিমান ধৰণৰ মূৰৰ বিষ আছে?
