গুৱাহাটী,23 এপ্ৰিল : কামাখ্যা ৰে’ল ষ্টেচনত যাত্ৰীৰ সুবিধাৰ্থে উত্তৰ-পূৱ সীমান্ত ৰে’লৱেৰ বিশেষ পদক্ষেপ । দেশৰ ভিতৰতে এটা সুন্দৰ আৰু যাত্ৰীৰ সকলো সা-সুবিধা উপলব্ধ ৰে’ল ষ্টেচনৰূপে পৰিগণিত হ'ব কামাখ্যা ৰে’ল ষ্টেচন।
উল্লেখ্য যে,ষ্টেচনটোত 10 টাকৈ নতুন ৰিটায়াৰিং ৰুম নিৰ্মাণ কৰা হৈছে। অত্যাধুনিক ৰুমকেইটাত যাত্ৰীসকলৰ বাবে এ চি, বিনামূলীয়া ৱাইফাই, টিভি, বিশুদ্ধ খোৱাপানীকে ধৰি উপলব্ধ হ'ব বিভিন্ন সা-সুবিধা। তাৰোপৰি পূৰ্বতকৈ বৃদ্ধি কৰা হৈছে প্লেটফৰ্মৰ যাত্ৰীৰ আসনৰ সংখ্যা। ভাৰত চৰকাৰৰ পৰ্যটন মন্ত্ৰণালয়ৰ সহযোগত ৰে’ল বিভাগে অত্যাধুনিক পদ্ধতিৰে নিৰ্মাণ কৰি উলিয়াইছে এই ৰুমকেইটা।