গুৱাহাটী, ১ ছেপ্টেম্বৰ: আন্তঃৰাষ্ট্ৰীয় পৰ্যায়ত সুখ্যাতি অৰ্জন কৰা অসমৰ দুই ক্ৰীড়া প্ৰতিভা ক্ৰমে আৰ্চাৰ সঞ্জয় বড়ো আৰু বক্সাৰ যমুনা বড়োক ৰাজ্য চৰকাৰে আৱকাৰী পৰিদৰ্শক পদত নিযুক্তি দিবলৈ সিদ্ধান্ত গ্ৰহণ কৰিছে । মুখ্যমন্ত্ৰী ডঃ হিমন্তবিশ্ব শৰ্মাৰ অধ্যক্ষতাত বুধবাৰে অনুষ্ঠিত হোৱা কেবিনেট বৈঠকে এই সিদ্ধান্ত গ্ৰহণ কৰে । কেবিনেটৰ অন্তত সংবাদমাধ্যমৰ আগত এই কথা সদৰী কৰি মন্ত্ৰী পীযুষ হাজৰিকাই কয় যে, শুকুৰবাৰে "অভিৰুচি ক্ৰীড়া দিৱস"ৰ দিনটোতে দুয়োকে নিযুক্তি পত্ৰ প্ৰদান কৰা হব ।
আনহাতে, বুধবাৰে অনুষ্ঠিত কেবিনেটে গ্ৰহণ কৰা আৰু কেইবাটাও সিদ্ধান্ত প্ৰকাশ কৰি মন্ত্ৰী গৰাকীয়ে কয় যে, পূৰ্বৰ কংগ্ৰেছ চৰকাৰে ওৰাং ৰাষ্ট্ৰীয় উদ্যানৰ নাম সলনি কৰি ৰাজীৱ গান্ধী ৰাষ্ট্ৰীয় উদ্যান নামেৰে নামাকৰণ কৰিছিল । কিন্তু আজিৰ কেবিনেটে সেয়া প্ৰত্যাহাৰ কৰি ওৰাং ৰাষ্ট্ৰীয় উদ্যান নামেৰেই ৰাখিবলৈ সিদ্ধান্ত লয় ।
লগতে পঢ়ক : ৰাষ্ট্ৰীয় পশুৰ মৰ্যাদা দিব লাগে গৰুক: এলাহবাদ হাই ক'ৰ্ট
একেদৰে ক'ভিডৰ সৈতে মোকাবিলা কৰিবলৈ যি খৰচ ইতিমধ্যে হৈছিল বা হ’ব, তাৰ বাবে সকলো জিলালৈ সৰ্বমুঠ ৬৬০ কোটি টকা মোকোলাই দিবলৈ কেবিনেটে আজি অনুমোদন জনায় । একেদৰে ক'ভিডত মৃত্যু হোৱা লোকৰ নিকটাত্মীয়লৈ চৰকাৰে আগবঢ়াব এক লাখকৈ টকা । আজিৰ কেবিনেটে শিলচৰ চিকিৎসা মহাবিদ্যালয়ৰ এটা দীৰ্ঘদিনীয়া অভাৱ দূৰ কৰি ডাঃ শম্ভূধৰ ধৰক নিউৰ' চাৰ্জন হিচাপে নিযুক্তি দিবলৈ সিদ্ধান্ত গ্ৰহণ কৰে ।
লগতে পঢ়ক : Poster politics : হিন্দু দেৱ-দেৱতাৰ ৰূপত প্ৰকাশ ৰাজনৈতিক নেতাক
