ETV Bharat / state

মক্কাত হোটেলৰ বাৰাণ্ডাত আশ্ৰয় লৈছে অসমৰ হাজীসকলে - Hajj Pilgrims 2024

author img

By ETV Bharat Assamese Team

Published : Jun 3, 2024, 4:58 PM IST

Hajj Pilgrims 2024: মক্কালৈ হজ কৰিবলৈ যোৱা অসমৰ হাজীসকলৰ লগত অমানৱীয় আচৰণ । অসমৰ হাজীসকল থাকিব লগা হৈছে হোটেলৰ বাৰান্দাত ৷ মহিলা হাজীসকলৰ বাবেও নাই কোনো শৌচালয়ৰ ব্যবস্থা । অসমৰ হাজীসকলৰ এনে পৰিস্থিতিৰ বাবে অসম হজ কমিটিক দায়ী কৰিলে হাজীসকলে ।

Hajj Pilgrims 2024
মক্কাত হোটেলৰ বাৰাণ্ডাত ৰখা হৈছে অসমৰ হাজীসকলক (ETV BHARAT ASSAM)

কাছাৰ, ৩ জুন: পৱিত্ৰ হজ কৰিবলৈ প্ৰতিবছৰে বিশ্বৰ বিভিন্ন প্ৰান্তৰ পৰা লাখ লাখ তীৰ্থযাত্ৰী মক্কালৈ যায় । আল্লাৰ ঘৰ হিচাবে খ্যাত কাবা শ্বৰিফত হজ কৰিবলৈ প্ৰতিবছৰৰ দৰে এইবাৰো সমগ্ৰ বিশ্বৰ লগতে অসমৰ হাজীসকলো মক্কাত উপস্থিত হৈছে । কিন্তু অসমৰ পৰা যোৱা হাজীসকলৰ লগত মক্কাত অমানবীয় আচৰণ কৰাৰ অভিযোগ উত্থাপিত হৈছে ।

Hajj Pilgrims 2024
মক্কাত হোটেলৰ বাৰাণ্ডাত ৰখা হৈছে অসমৰ হাজীসকলক (ETV BHARAT ASSAM)

হাজীসকলে কৰা অভিযোগ মতে, অসমৰ হাজীসকলক মদিনাৰ হোটেলৰ বাহিৰত বাৰাণ্ডাত ৰখা হৈছে । কোনেও তেওঁলোকৰ কোনো খবৰ লোৱা নাই । বিশ্বৰ আন আন হাজীসকলক আৰব চৰকাৰে সকলো সা-সুবিধা প্ৰদান কৰিছে ৷ কিন্তু দেখা গৈছে অসমৰ হাজীসকলক আৰব চৰকাৰে কোনো সা-সুবিধা প্ৰদান কৰা নাই ।

Hajj Pilgrims 2024
মক্কাত হোটেলৰ বাৰাণ্ডাত ৰখা হৈছে অসমৰ হাজীসকলক (ETV BHARAT ASSAM)

অসমৰ ৩২২ গৰাকী হাজীক এখন হোটেলৰ বাৰাণ্ডাত ৰখা হৈছে । য’ত থকা-খোৱাৰ কোনো সু-ব্যৱস্থা নাই । আনকি মহিলা হাজীসকলৰ বাবেও নাই কোনো শৌচালয়ৰ ব্যবস্থা । অসমৰ হাজীসকলৰ প্ৰতি হোৱা এনে আচৰণৰ বাবে ক্ষুদ্ধ হৈ পৰিছে হাজীসকল । তেওঁলোকে মক্কাত সম্মুখীন হোৱা এই অসুবিধাৰ বাবে অসম হজ কমিটিক দায়ী কৰিছে ।

Hajj Pilgrims 2024
মক্কাত হোটেলৰ বাৰাণ্ডাত ৰখা হৈছে অসমৰ হাজীসকলক (ETV BHARAT ASSAM)

উল্লেখ্য যে, ছৌদি আৰৱৰ অতি পবিত্ৰ তীৰ্থস্থান মক্কা আৰু মদিনা দৰ্শন কৰাটো মুছলমান সম্প্ৰদায়ৰ প্ৰতিগৰাকী লোকৰ বাবে পৰম সৌভাগ্যৰ বিষয় বুলি গণ্য কৰা হয় । এই পবিত্ৰ তীৰ্থস্থান দৰ্শন কৰিবলৈ প্ৰতিবছৰে বিশ্বৰ ভিন্ন প্ৰান্তৰ লাখ লাখ লোকেৰে ভৰি পৰে ছৌদি আৰৱ । এইবাৰ অসম তথা উত্তৰ-পূৰ্বাঞ্চলৰ পৰা বহু হাজী মক্কাত হজলৈ গৈছে । ১৬ মে'ৰ পৰা ২৫ মে'লৈ অসম তথা উত্তৰ-পূৰ্বাঞ্চলৰ পৰা মুঠ ৩৭০৮ গৰাকী হজযাত্রী মক্কা আৰু মদিনালৈ ৰাওনা হৈছে বুলি ইতিপূৰ্বে হজ সমিতিয়ে জানিবলৈ দিয়ে ।

লগতে পঢ়ক: ১৬ মে'ত মক্কালৈ উৰা মাৰিব উত্তৰ-পূৰ্বাঞ্চলৰ প্ৰথমটো হজ যাত্ৰীৰ দল - Hajj Pilgrims 2024

লগতে পঢ়ক: মদিনা অভিমুখে ৰাওনা প্ৰথমটো হজযাত্ৰীৰ দল - hajj 2024 flight schedule

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.