বিভ্ৰান্তিত মুখ্যমন্ত্ৰী ! ৰাইজক সৈমান কৰাবলৈ ৰণকৌশল প্ৰস্তুতিত ব্যস্ত

গুৱাহাটী,14 ডিচেম্বৰঃ সমগ্ৰ অসমীয়া জাতিয়ে নাগৰিকত্ব সংশোধনী আইনৰ বিৰুদ্ধাচৰণ কৰাৰ পিছত এতিয়া কি ৰণকৌশল হ'ব ৰাজ্য চৰকাৰৰ? কিদৰে ৰাইজৰ ৰোষৰ পৰা ৰক্ষা পৰিব বিজেপিৰ জনপ্ৰতিনিধি সকল ? এই বিষয়ক লৈ এতিয়া ৰাজ্যৰ মুখ্যমন্ত্ৰী সৰ্বানন্দ সোণোৱাল উদ্বিগ্ন হৈ পৰা পৰিলক্ষিত হৈছে ৷

শনিবাৰে পুৱা মুখ্যমন্ত্ৰীৰ বাসগৃহৰ ব্ৰহ্মপুত্ৰ ৰাজ্যিক অতিথিশালাত বিজেপিৰ মন্ত্ৰী আৰু বিধায়ক সকলৰ সৈতে এক জৰুৰী আলোচনাত মিলিত হয় মুখ্যমন্ত্ৰী সোণোৱাল । সূত্ৰৰ পৰা জানিব পৰা অনুসৰি বৈঠকত জনৰোষৰ পৰা হাত সাৰিবলৈ আৰু নাগৰিকত্ব সংশোধনী আইনৰ ইতিবাচক দিশসমূহ ৰাইজৰ মাজলৈ লৈ যাবলৈ মন্ত্ৰী-বিধায়ক সকলক নিৰ্দেশ দিয়া হয়। উল্লেখ্য যে, এই বৈঠকত বিজেপিৰ ৰাজ্যিক সভাপতি ৰঞ্জিৎ দাসো উপস্থিত থাকে।

ছ'ছিয়েল মিডিয়াত মুখ্য মন্ত্ৰীৰ প'ষ্ট :

অসম চুক্তিৰ ছয় নং দফা ৰূপায়ণৰ লক্ষ্যৰে গঠিত কমিটিৰ সৈতে এই বৈঠক অনুষ্ঠিত হোৱা বুলি উল্লেখ কৰিছে মুখ্যমন্ত্ৰী সোণোৱালে ৷ মুখ্য মন্ত্ৰীয়ে ছ'ছিয়েল মিডিয়াত দিয়া প'ষ্টত লগতে উল্লেখ কৰে যে অধ্যক্ষ বিপ্লৱ কুমাৰ শৰ্মাই এমাহৰ ভিতৰত অসম চুক্তিৰ 6 নং দফা ৰূপায়ণৰ প্ৰতিবেদন দাখিল কৰিব ৷

লগতে পঢ়ক - ভাৰতৰ 5 ৰাজ্যই মানি নলয় নাগৰিকত্ব সংশোধনী আইন