ৰাম মন্দিৰৰ প্ৰাণ প্ৰতিষ্ঠাৰ বাবে 22 জানুৱাৰীত অসমত ড্ৰাই ডে’ ঘোষণা, কেবিনেটতো অনুমোদন

গুৱাহাটী, 8 জানুৱাৰী : 22 জানুৱাৰীত অযোধ্যাত নিৰ্মীয়মান ৰাম মন্দিৰৰ প্ৰাণ প্ৰতিষ্ঠা হ’ব ৷ ইয়াকে লৈ দেশজুৰি চলিছে ব্যাপক চৰ্চা ৷ ইতিমধ্যে দেশৰ বিভিন্ন প্ৰান্তৰ পৰা অগনন ভক্তই অযোধ্যালৈ যোৱাৰ বাবে যো-যা চলাইছে ৷

ইফালে ৰাম মন্দিৰৰ প্ৰাণ প্ৰতিষ্ঠাৰ দিনটোক বিশেষ দিন হিচাপে গণ্য কৰি অসম চৰকাৰে গ্ৰহণ কৰিছে এক সিদ্ধান্ত ৷ ৰাম মন্দিৰৰ প্ৰাণ প্ৰতিষ্ঠাৰ দিনটোত অসমত ড্ৰাই ডে’ হিচাপে ঘোষণা কৰিছে ৰাজ্য চৰকাৰে ৷ দেওবাৰে নিশা অনুষ্ঠিত ৰাজ্যিক কেবিনেটত লোৱা সিদ্ধান্তৰ কথা উল্লেখ কৰি মুখ্যমন্ত্ৰী হিমন্তই X ত কয়, ‘‘ শ্ৰীৰাম লাল্লাৰ প্ৰাণ প্ৰতিষ্ঠা উপলক্ষে 22 জানুৱাৰীত অসমত ড্ৰাই ডে’ ঘোষণা কৰা হৈছে ।’’ উল্লেখ্য যে, 22 জানুৱাৰীত প্ৰধানমন্ত্ৰী মোদীয়ে ৰাম মন্দিৰত ৰাম লাল্লাৰ মূৰ্তি স্থাপন কৰিব ৷ উক্ত অনুষ্ঠানটোৰ বাবে সকলো সম্প্ৰদায়ৰ 4,000 সাধুকো আমন্ত্ৰণ জনোৱা হৈছে বুলি মন্দিৰ কমিটিয়ে জানিবলৈ দিছে ৷

• Decisions we took in today’s meeting of the #AssamCabinet
  
  ✅Dry Day on 22.01.2024 on the occasion of Pran Pratishtha of Shri Ram Lalla Virajman
  
  ✅ Approval to Mukhyamantri Mahila Udyamita Abhiyan- a new scheme to financially support rural women entrepreneurs
  
  1/2 pic.twitter.com/tgfn8qqIOF

  — Himanta Biswa Sarma (@himantabiswa) January 7, 2024 " class="align-text-top noRightClick twitterSection" data="

  Decisions we took in today’s meeting of the #AssamCabinet
  
  ✅Dry Day on 22.01.2024 on the occasion of Pran Pratishtha of Shri Ram Lalla Virajman
  
  ✅ Approval to Mukhyamantri Mahila Udyamita Abhiyan- a new scheme to financially support rural women entrepreneurs
  
  1/2 pic.twitter.com/tgfn8qqIOF

  — Himanta Biswa Sarma (@himantabiswa) January 7, 2024

  ">

  Decisions we took in today’s meeting of the #AssamCabinet
  
  ✅Dry Day on 22.01.2024 on the occasion of Pran Pratishtha of Shri Ram Lalla Virajman
  
  ✅ Approval to Mukhyamantri Mahila Udyamita Abhiyan- a new scheme to financially support rural women entrepreneurs
  
  1/2 pic.twitter.com/tgfn8qqIOF

  — Himanta Biswa Sarma (@himantabiswa) January 7, 2024

আনহাতে দেওবাৰে নিশা অনুষ্ঠিত ৰাজ্যিক কেবিনেটত লোৱা সিদ্ধান্ত সমূহৰ বিষয়ে উল্লেখ কৰি মন্ত্ৰী জয়ন্ত মল্ল বৰুৱাই কয়, ‘‘22 জানুৱাৰীত অযোধ্যাত ৰাম মন্দিৰ প্ৰাণ প্ৰতিষ্ঠাৰ বাবে উক্ত দিনটো অসমত ড্ৰাই ডে’ ঘোষণা কৰা হৈছে ৷ এইবাৰ মাঘ বিহুত অসম ৰাজ্যিক অসামৰিক বঁটা 2024ৰ বঁটাপ্ৰাপকসকলৰ নাম ঘোষণা কৰা হ'ব । ৰাজ্যপালে এই বছৰৰ ফেব্ৰুৱাৰীত বঁটাসমূহ প্রদান কৰিব ৷’’

তেওঁ লগতে কয়, ‘‘কেবিনেটৰ সিদ্ধান্ত অনুসৰি ৰাভা হাছং স্বায়ত্তশাসিত পৰিষদ, মিচিং স্বায়ত্তশাসিত পৰিষদ আৰু তিৱা স্বায়ত্তশাসিত পৰিষদক সাংবিধানিক মর্যাদা প্রদান কৰাৰ বাবে ভাৰত চৰকাৰৰ গৃহ মন্ত্রালয়ক পৰামর্শ প্রদান কৰিব ৰাজ্য চৰকাৰে ৷ এই পৰিষদসমূহে পৰিষদীয় অঞ্চলত বাস কৰা অনুসূচিত জনজাতিৰ সৈতে সম্পর্কিত উন্নয়নমূলক কার্যকলাপ গ্রহণ কৰাৰ বাবে বিত্তীয় ক্ষমতা বৃদ্ধি কৰিব পৰাকৈ বৃহত্তৰ সাংবিধানিক মৰ্যাদাৰ বাবে পৰামৰ্শ দিব ৰাজ্য চৰকাৰে ৷’’

মন্ত্ৰী বৰুৱাই কয়, ‘‘চাহ জনজাতি আৰু আদিবাসী কল্যাণ বিভাগৰ অধীনত স্থাপন হ'বলগীয়া কার্যসূচী ব্যৱস্থাপনা ইউনিট চমুকৈ পি এম ইউত ঠিকাভিত্তিক কর্মচাৰী নিযুক্তিৰ ক্ষেত্রত এককালীন বিবেচনা হিচাপে মেধাৰ ভিত্তিত চাহ জনজাতি আৰু আদিবাসী সম্প্রদায়ৰ প্রার্থীৰ বাবে 30 শতাংশ আসন সংৰক্ষণ কৰাত কেবিনেটে অনুমোদন জনায় । তদুপৰিও আর্থিকভাবে দুর্বল পৰিয়ালক বিনামূলীয়া চাউল প্ৰদানৰ বাবে চৰকাৰৰ প্ৰচেষ্টাৰ অংশ হিচাপে অসম খাদ্য সুৰক্ষা বিধি, 2022ৰ 4 নং বিধিটোৰ সংশোধনীত অনুমোদন কেবিনেটৰ ৷’’

নিশা কেবিনেটত লোৱা আন কেতবোৰ সিদ্ধান্ত সমূহৰ বিষয়ে মন্ত্ৰীগৰাকীয়ে কয়, ‘‘পঞ্চায়ত নিৰ্বাচনৰ সময়ত কর্তব্য পালন কৰি থকা অৱস্থাত মৃত্যু হোৱা বা আঘাতপ্রাপ্ত ভোটগ্রহণ কর্মীৰ নিকট আত্মীয়ক ক্ষতিপূৰণ হিচাপে আর্থিক অনুদান প্রদান কৰাৰ হ’ব ৷ এতিয়াৰে পৰা তেনে মৃত্যুৰ ক্ষেত্ৰত নিকট আত্মীয়লৈ 10 লাখ টকা প্রদান কৰা হ'ব ৷’’

7 জানুৱাৰীত হিমন্ত চৰকাৰৰ কেবিনেটৰ সিদ্ধান্ত অনুসৰি, বোমা বিস্ফোৰণ, সশস্ত্র আক্রমণ ইত্যাদি হিংসাত্মক উগ্রপন্থী কাৰ্যৰ ফলত মৃত্যু হ'লে নিকট আত্মীয়লৈ 20 লাখ টকা প্রদান কৰা হ'ব ৷ একেদৰে অংগ, দৃষ্টিশক্তি হেৰুৱা আদি স্থায়ীভাবে অক্ষমতাত ভুগি থকা বিষয়াসকলক 5 লাখ টকা প্রদান কৰা হ'ব ৷ উগ্রপন্থী বা অসামাজিক কাৰকৰ ফলত হোৱা দুর্ঘটনাৰ বাবে অংগ, দৃষ্টিশক্তি হেৰুওৱা আদি স্থায়ী অক্ষমতাত ভোগা বিষয়াসকলক 10 লাখ টকা প্রদান কৰা হ'ব ৷ আগ্নেয়াস্ত্র বা অন্য যিকোনো অস্ত্র বা বোমা বিস্ফোৰণ বা অন্য যিকোনো ঘটনাৰ পৰা সামান্যভাবে আঘাতপ্রাপ্ত হোৱা নির্বাচনী কর্তব্যত নিয়োজিত ব্যক্তিক 50,000 টকা প্রদান কৰা হ'ব ৷

গুৱাহাটীৰ বাবে জাবৰ নিষ্কাশনৰ প্ৰসংগত প্রকল্প প্ৰসংগতো কেবিনেটত গুৰুত্বপূৰ্ণ সিদ্ধান্ত লোৱা হৈছে ৷ গুৱাহাটীত পৰিকল্পিত জাবৰ সংগ্ৰহ আৰু চিকিৎসা সুবিধা প্রৱর্তনৰ উদ্দেশ্যে জাইকা-সহায়ক গুৱাহাটী জাবৰ নিষ্কাশন প্রকল্প (187 এম এল ডি)ৰ বাবে প্রশাসনিক অনুমোদন ৷ প্রকল্পটো পর্যায়ক্রমে ৰূপায়ণ কৰা হ'ব আৰু প্রথম পর্যায়ৰ ৰূপায়ণৰ বাবে 1,460.37 কোটি টকা আবণ্টন কৰা হ'ব বুলি কেবিনেটে অনুমোদন জনায় ৷

গুৱাহাটীৰ বাবে জাবৰ নিষ্কাশন প্রকল্পসমূহ এনেধৰণৰ, নর্দমা শোধন প্রকল্প, শিলসাঁকো বিল 65 এম এল ডি, বৰচলা বিল 62 এম এল ডি, পশ্চিম বৰাগাঁও 60 এম এল ডি ৷ নর্দমা নেটৱৰ্কৰ মুঠ দৈর্ঘ্য 872 কিঃমিঃ, 1.191 কিঃমিঃ ট্রেঞ্চলেছ পদ্ধতি ছিংগাপুৰৰ এজেন্সীৰ সৈতে একো গুৰুত্বপূৰ্ণ বুজাবুজিৰ চুক্তিৰ বাবে ৰাজ্যিক কেবিনেটৰ অনুমোদন । এই মৰ্মে গুৱাহাটী মহানগৰ উন্নয়ন কর্তৃপক্ষ (জি এম ডি এ) আৰু ছিংগাপুৰ চৰকাৰৰ সংস্থা ছিংগাপুৰ কৰ্প'ৰেশ্যন এণ্টাৰপ্ৰাইজ (এছ চিই)ৰ মাজত স্বাক্ষৰিত হ'ব এক নতুন বুজাবুজিৰ চুক্তি ৷

লগতে পঢ়ক : গুৱাহাটীত এতিয়া আপোনাৰ ভ্ৰমণ সাৰথি হ’ব বায়ু