যোৰহাট, 15 অক্টোবৰ : যোৰহাট আৰক্ষীৰ সফলতা ৷ যোৰহাট গুলীচালনা ঘটনা জড়িত মূল মাষ্টাৰ মাইণ্ডক আটক কৰিছে আৰক্ষীয়ে । শনিবাৰে আৰক্ষীৰ জালত পৰা প্ৰফেছনেল কিলাৰটোৰ নাম সঞ্জীৱ বৰুৱা বুলি জানিব পৰা গৈছে ৷ তথ্য অনুসৰি, নাগালেণ্ডত বাহৰ পাতি সঞ্জীৱে অসম বিভিন্ন প্ৰান্তত সংঘটিত কৰিছিল অপৰাধজনিত ঘটনা ।
মুখ্যমন্ত্ৰী যোৰহাট লৈ অহা প্ৰাকমুৰ্হূতত 11 অক্টোবৰৰ দিনা লিচুবাৰীত বাঘচোঙত সংঘটিত হৈছিল এক চাঞ্চল্যকৰ গুলীচালনাৰ ঘটনা ৷ এই ঘটনাক কেন্দ্ৰ কৰি সমগ্ৰ জিলাখনতে সৃষ্টি হৈছিল তীব্ৰ উত্তেজনাময় পৰিৱেশৰ ৷ লগতে আৰক্ষী মহলতো ঘটনাক কেন্দ্ৰ কৰি তোলপাৰ লাগিছিল ৷ এই দিনাই গুলীচালনা ঘটনাৰ লগত জড়িত থকা সন্দেহত আৰক্ষীয়ে জিম্পল গগৈ আৰু এগৰাকী ৰহস্যময় যুৱতীক আটকো কৰিছিল ।
শনিবাৰে এই গুলীচালনা ঘটনা মূল মাষ্টৰ মাইণ্ড প্ৰফেছনেল কিলাৰ সঞ্জীৱ বৰুৱাক যোৰহাট আৰক্ষীয়ে লখিমপুৰৰ নাওবৈচা পৰা আটক কৰিবলৈ সক্ষম হয় । নাগালেণ্ডত বাহৰ পাতি প্ৰফেছনেল কিলাৰ সঞ্জীৱ বৰুৱাই অসম বিভিন্ন ঠাইত এটাৰ পিচত আন এটা অপৰাধজনিত ঘটনাৰ সৈতে জড়িত হৈ পৰিছিল ।
লগতে পঢ়ক : Firing Incident in Jorhat update: যোৰহাটৰ গুলীচালনাৰ ঘটনাত জড়িত এজনক আটক
লখিমপুৰ আৰক্ষী সহযোগত যোৰহাট আৰক্ষীয়ে আটক কৰা সঞ্জীৱ বৰুৱাৰ জিন্মাৰ পৰাৰ এটা পিষ্টল আৰু দুজাই সজীৱ সক্ৰিয় গুলী উদ্ধাৰ কৰে । সঞ্জীৱ বৰুৱা নামৰ প্ৰফেছনেল কিলাৰটোৱে 2014 চনত মাজুলীৰ এক হত্যাকাণ্ড ঘটনাৰ সৈতে জড়িত হৈ যোৰহাট কেন্দ্ৰীয় কাৰাগাৰত দিন কটাই গৈছিল ।
উল্লেখিত ৰহস্যময় যুৱতীগৰকীয়ে বৰ্তমান প্ৰেমিক জিম্পল গগৈ সৈতে লগ-লাগি প্ৰাক্তন প্ৰেমিক বসন্ত দাসক হত্যা ষড়যন্ত্ৰ ৰচনা কৰিছিল ৷ ফলত প্ৰফেছনেল কিলাৰ সঞ্জীৱ বৰুৱা নামৰ এই অভিযুক্তটোক ব্যৱহাৰ কৰা হৈছিল উক্ত কাৰ্যত ।
আনহাতে, এই ঘটনাৰ সময়ত যুৱতীগৰাকীয়ে আঘাটপ্ৰাপ্ত বসন্ত দাস নামৰ যুৱকজনৰ বিৰুদ্ধে বহু কেইটা বিস্ফোৰক অভিযোগ দাঙি ধৰিছিল ৷ তেতিয়াই সংবাদ মাধ্যম সন্দেহ হৈছিল যুৱতীগৰাকী ওপৰত ৷ উক্ত ঘটনাৰ দিনাই আৰক্ষীয়ে যোৰহাট চিকিৎসা মহাবিদ্যালয় চৌহদ পৰাই আটক কৰিছিল ৰহস্যময় যুৱতীগৰাকীক ৷ কাৰণ এইগৰাকী ৰহস্যময় যুৱতীয়ে এই ঘটনা মূল পৰিকল্পনাকাৰীৰ বুলি অভিযোগ উত্থাপিত হৈছে ৷
লগতে পঢ়ক : Firing Incident: যোৰহাটত দিন দুপৰতে গুলীচালনা, সংকটজনক অৱস্থা গুলীবিদ্ধ যুৱকৰ
