যোৰহাট, 14 আগষ্ট: "অসমত এই পৰ্যায়ত আমি 2,000 টা অংগনৱাড়ী কেন্দ্ৰৰ গঢ়ি তোলাৰ কাম হাতত লৈছো ৷ ভৱিষ্যতে সমগ্ৰ অসমত 15,000 টা অংগনৱাড়ী কেন্দ্ৰ গঢ়ি তোলাৰ পৰিকল্পনা আমি হাতত লৈছো ৷ ৰাজ্যৰ চাহ বাগিচাসমূহৰ কাৰণে চলিত বৰ্ষত 800 টাকৈ মডেল অংগনৱাড়ী কেন্দ্ৰৰ কাম হাতত লৈছো ৷ পৰৱৰ্তী পৰ্যায়ত যিসমূহ অংগনৱাড়ী কেন্দ্ৰ জহি-খহি গৈছে সেইসমূহৰ বিষয়েই আমি পৰিকল্পনা হাতত লম ৷ প্ৰথমতে আমি নতুন কেন্দ্ৰকেইটা নিৰ্মাণ কৰি লওঁ"৷ দেওবাৰে যোৰহাট গ্ৰাম্য সংহত শিশু উন্নয়ন প্ৰকল্পৰ নৱ-নিৰ্মিত আদর্শ অংগনৱাড়ী কেন্দ্ৰ উদ্বোধন কৰি এই মন্তব্য প্ৰকাশ কৰে বিত্ত, সমাজকল্যান বিভাগৰ মন্ত্ৰী অজন্তা নেওগে (Minister Ajanta Neog announces construction of 800 Anganwadi centers in tea state )৷
সমগ্ৰ ৰাজ্যতে আজি শুভাৰম্ভ হৈছে আদৰ্শ অংগনৱাড়ী কেন্দ্ৰৰ ৷ ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ লগতে কেবাগৰাকী মন্ত্ৰী-বিধায়কে দেওবাৰে ৰাজ্যৰ ভিন্ন ঠাইত কেবাটাও আদৰ্শ অংগনৱাড়ী কেন্দ্ৰৰ উদ্বোধন কৰে ৷ এই অনুষ্ঠানৰ লগত সংগতি ৰাখি কেইবাজনো শিশুক কেইবাটাও পুষ্টিকৰ টোপোলা বিতৰণ কৰে মন্ত্ৰী নেওগে (Minister Ajanta Neog ) ৷
উল্লেখ্য যে এই কাৰ্যসূচীৰ মাজতে টীয়কৰ ঔগুৰিৰ আদৰ্শ অংগনৱাড়ী কেন্দ্ৰটো ভাৰ্চুৱেলী উদ্ধোধন কৰে মন্ত্ৰী নেওগে । আনহাতে মন্ত্ৰীগৰাকীৰ এই যাত্ৰাত উপস্থিত থাকে ৰাজ্যসভাৰ সাংসদ কামাখ্যা প্ৰসাদ তাছাৰ লগতে মৰিয়নি বিধানসভা সমষ্টিৰ বিধায়ক ৰূপজ্যোতি কুৰ্মী ।
লগতে পঢ়ক: BJP-UPPL ৰ যুটীয়া উদ্যোগত বিশাল বাইক ৰেলী
