হোজাই,১৪জুলাই : ছিণ্ডিকেটৰ ধুমুহাই আৱৰিছে সৰ্বত্ৰ ৷ কিন্তু মুখ্যমন্ত্ৰী সৰ্বানন্দ সোণোৱালে উট চৰাইৰ দৰে বালিত মুখ গুজি ছিণ্ডিকেট হোৱা নাই বুলি থাকিলে নহ'ব ৷ নহ'লে ছিণ্ডিকেটৰ ধুমুহাই তেওঁকো উৰুৱাই নিব ৷ এই মন্তব্য ১০ নং নগাঁও লোকসভা সমষ্টিৰ নৱ নিৰ্বাচিত সাংসদ প্ৰদ্যুৎ বৰদলৈৰ । শনিবাৰে লংকাত অনুষ্ঠিত হোৱা এখন সম্বৰ্ধনা অনুষ্ঠানত বিজেপিৰ দিনতেই ছিণ্ডিকেটৰ ৰাজত্ব অধিক হৈছে বুলি মন্তব্য কৰে সাংসদগৰাকীয়ে ।
ৰাজ্যত অব্যাহত হোৱা নাই ছিণ্ডিকেট
সাংসদগৰাকীয়ে লগতে কয় যে চৰকাৰে ছিণ্ডিকেট বন্ধ হোৱাটো বিচৰাই নাই । অসমৰ বহু ঠাইত এতিয়াও কয়লা ছিণ্ডিকেট অব্যাহত আছে বুলিও অভিযোগ কৰে সাংসদ বৰদলৈয়ে ৷
