ডিব্ৰুগড়, 22 জুলাই : ভাৰতৰ ৭৫ সংখ্যক স্বাধীনতা দিৱস উপলক্ষে সমগ্ৰ দেশজুৰি অনুষ্ঠিত হৈছে স্বাধীনতাৰ অমৃত মহোৎসৱ (Amrit Mahotsav)৷ ৰাজ্যৰ বিভিন্ন প্ৰান্তৰ লগতে ডিব্ৰুগড় জিলাতো স্বাধীনতাৰ অমৃত মহোৎসৱ উদযাপনৰ প্ৰস্তুতি চলাইছে জিলা প্ৰশাসনে ৷ চৰকাৰী নীতি-নিৰ্দেশনা অনুসৰি জিলাখনত পূৰ্বতকৈ অধিক উলহ-মালহেৰে এইবাৰৰ স্বাধীনতা দিৱস উদযাপন কৰিবৰ বাবে সাজু হৈছে ডিব্ৰুগড় জিলা প্ৰশাসন (Independence Day Amrit Mahotsav preparations) ।
এইবাৰ স্বাধীনতা দিৱসৰ উপলক্ষে স্বাধীনতাৰ অমৃত মহোৎসৱৰ বিশেষ অভিযান "হৰ ঘৰ তিৰংগা অভিযান" কাৰ্যসূচী ৰূপায়ণ কৰিবলৈ ডিব্ৰুগড় জিলা প্ৰশাসনে চলাইছে ব্যাপক প্ৰস্তুতি (Har Ghar Tiranga Abhiyan in Dibrugarh)৷ বিজেপিৰ দলীয় নেতৃত্বই এই কাৰ্যসূচী সফলভাৱে ৰূপায়ণ কৰিবলৈ নিৰ্দেশ দিয়াৰ পিছতে ৰাজ্যিক বিজেপিয়ে প্ৰস্তুতি আৰম্ভ কৰিছে ৷ শুকুৰবাৰে ডিব্ৰুগড়ৰ উপায়ুক্ত কাৰ্যালয়ৰ সভাকক্ষত বিধায়ক প্ৰশান্ত ফুকনৰ উপস্থিতিত ডিব্ৰুগড় জিলাৰ উপায়ুক্ত বিশ্বজিৎ পেগুৱে(DC Bishwajit Pegu) আনুষ্ঠানিকভাৱে শুভাৰম্ভ কৰে ‘‘হৰ ঘৰ তিৰংগা অভিযান’’ৰ কাৰ্যসূচী ৷
প্ৰধানমন্ত্ৰী নৰেন্দ্ৰ মোদীৰ নিৰ্দেশৰ পিছতেই সমগ্ৰ দেশৰ লগতে ডিব্ৰুগড়ত 13 আগষ্টৰ পৰা 15 আগষ্টলৈকে "হৰ ঘৰ তিৰংগা" কাৰ্যসূচী ৰূপায়ণ কৰিব বিজেপি নেতা-কৰ্মীসহ মন্ত্ৰী বিধায়কসকলে । ইতিমধ্যে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই ৰাজ্যৰ প্ৰতিখন ঘৰত ৰাষ্ট্ৰীয় পতাকা উৰিব লাগিব বুলি ঘোষণা কৰে ৷ ৰাজ্যৰ সুলভ মূল্যৰ দোকানত কম মূল্যত ৰাজ্যৰ প্ৰতিজন লোকে ৰাষ্ট্ৰীয় পতাকা ক্ৰয় কৰিব পৰাকৈ ব্যৱস্থা কৰা হ'ব বুলিও জনায় মুখ্যমন্ত্ৰীগৰাকীয়ে ৷
আজি ডিব্ৰুগড়ৰ উপায়ুক্ত কাৰ্যালয়ত অনুষ্ঠিত এই কাৰ্যসূচীত ডিব্ৰুগড়ৰ অতিৰিক্ত উপায়ুক্ত সংঘমিত্ৰা বৰুৱা, লাহোৱাল উন্নয়ন খণ্ডৰ বিষয়া বেদব্ৰত পেগুৰ লগতে জিলাৰ শীৰ্ষ বিষয়াসকল উপস্থিত থাকে ৷
লগতে পঢ়ক: Amrit Mahotsav preparations in Darrang: দৰং জিলাত স্বাধীনতাৰ অমৃত মহোৎসৱ উদযাপনৰ প্ৰস্তুতি
