ডিব্ৰুগড়, ৩১ অক্টোবৰ: আজি পঞ্চভূতত বিলীন হ’ব প্ৰবীণ ৰাজনীতিবিদ তথা প্ৰাক্তন শিক্ষামন্ত্ৰী শৰৎ বৰকটকী ৷ অগণন গুণমুগ্ধৰ উপস্থিতিত আজি ৰাজ্যিক মৰ্যদাৰে শেষকৃত্য সম্পন্ন কৰা হ’ব প্ৰাক্তন মন্ত্ৰীগৰাকীৰ । প্ৰাক্তন শিক্ষামন্ত্ৰীগৰাকীৰ মৃত্যুত তেওঁৰ গৃহভূমি সোণাৰি সমষ্টিৰ লগতে সমগ্ৰ চৰাইদেউ জিলাখনতে শোকৰ ছাঁ পৰিছে । সোমবাৰে নিশা ১ বজাত তেওঁৰ মৃতদেহ সোণাৰিৰ নিজা বাসগৃহত আহি পোৱাৰ পিচৰে পৰা জিলাখনৰ বিভিন্ন ঠাইৰ গুণমুগ্ধ ৰাইজে আহি তেওঁৰ নশ্বৰ দেহত শেষ শ্ৰদ্ধা জনাবলৈ ভিৰ কৰিছে ।
প্ৰাক্তন মন্ত্ৰী শৰৎ বৰকটকী ১৯৯১ চনৰ পৰা ২০১৬ চনলৈ ৫ বাৰকৈ সোণাৰি সমষ্টিৰ বিধায়ক হিচাপে নিৰ্বাচত হৈছিল ৷ ২০১৬ চনৰ বিধানসভা নিৰ্বাচনত তেওঁ বিজেপি মিত্ৰজোঁটৰ প্ৰাৰ্থী তপন কুমাৰ গগৈৰ বিৰুদ্ধে সোণাৰি সমষ্টিৰ পৰা প্ৰতিদ্বন্দিতা কৰি পৰাজিত হয় ৷ সোণাৰিৰ বিধায়ক হৈ থকা সময়তে তেওঁ সমষ্টিটোৰ উন্নয়নৰ বাবে সম্ভৱত সকলো পদক্ষেপ গ্ৰহণ কৰিছিল ৷ বিশেষকৈ চৰাইদেউ মহকুমাক জিলা হিচাপে গঠন কৰাত কংগ্ৰেছ নেতাগৰাকীৰ অৱদান চৰাইদেউবাসীয়ে কেতিয়াও পাহৰিব নোৱাৰিব ৷
প্ৰয়াত তৰুণ গগৈৰ কাৰ্যকালত গড়কপ্টানী মন্ত্ৰীৰ দায়িত্ব লাভ কৰিছিল বৰকটকীয়ে । ২০১৫ চনত ৰাজ্যৰ শিক্ষামন্ত্ৰীৰ দায়িত্বতো আছিল তেওঁ ৷ দৌলবাগান উচ্চতৰ মাধ্যমিক বিদ্যালয়ৰ অধ্যক্ষ আছিল জ্যেষ্ঠ কংগ্ৰেছী নেতাগৰাকী ৷ বৰ্ষীয়ান কংগ্ৰেছ নেতাগৰাকী ১৬ অক্টোবৰৰ পৰা অসম চিকিৎসা মহাবিদ্যালয়ত চিকিৎসাধীন হৈ আছিল ৷ অৱশেষত দেওবাৰ মাজনিশা প্ৰায় ১.৩৬ বজাত ৮৮ বছৰ বয়সত চিকিৎসা মহাবিদ্যালয়ত শেষ নিশ্বাস ত্যাগ কৰে বৰ্ষীয়ান নেতাগৰাকীয়ে । মৃত্যুৰ পূৰ্বে নেত্ৰদান কৰি গৈছে শৰৎ বৰকটকীয়ে ৷
শৰৎ বৰকটকীৰ মৃত্যুত মুখ্যমন্ত্ৰী হিমন্ত বিশ্ব শৰ্মাৰ লগতে ৰাজ্যৰ ৰাজনৈতিক দলসমূহৰ উপৰি বিভিন্ন দল-সংগঠনসমূহেও শোক প্ৰকাশ কৰিছে ৷ আজি সোণাৰিৰ বিভিন্ন অনুষ্ঠান-প্ৰতিষ্ঠান তথা ব্যক্তি বিশেষে শেষ শ্ৰদ্ধা জনাব । আজি পুৱা দৌলবাগান উচ্চতৰ মাধ্যমিক বিদ্যালয়ৰ চৌহদত শ্ৰদ্ধাঞ্জলি জ্ঞাপন কৰাৰ পাচত সোণাৰিৰ ৰাজীৱ ভৱনলৈ নিয়া হ’ব তেওঁৰ নশ্বৰদেহ ৷ ইয়াৰ পাচত ক্ৰমে সোণাৰি কলেজ, সোণাৰি কৰ্মাচ কলেজ, ভাগৱতী প্ৰসাদ বৰুৱা সোঁৱৰণী উচ্চতৰ মাধ্যমিক বিদ্যালয় খেলপথাৰত তেওঁক শেষ শ্ৰদ্ধা জ্ঞাপন কৰা হ’ব ৷
-
জ্যেষ্ঠ ৰাজনীতিবিদ, অসম চৰকাৰৰ প্ৰাক্তন মন্ত্ৰী শৰৎ বৰকটকী ডাঙৰীয়াৰ প্ৰয়াণৰ বাতৰিত মৰ্মাহত হৈছোঁ৷ এগৰাকী দক্ষ ৰাজনীতিবিদ তথা নিকা ব্যক্তিত্বৰ অধিকাৰী বৰকটকী ডাঙৰীয়াক বহু বছৰ সতীৰ্থ হিচাপে পাওঁতে তেখেতৰ পৰা বিভিন্ন কথা শিকিবলৈ পাইছিলোঁ৷ তেখেতৰ মৃত্যু অসমৰ ৰাজনৈতিক ক্ষেত্ৰত এক… pic.twitter.com/bc90FqrsSF
— Himanta Biswa Sarma (@himantabiswa) October 30, 2023 " class="align-text-top noRightClick twitterSection" data="
">জ্যেষ্ঠ ৰাজনীতিবিদ, অসম চৰকাৰৰ প্ৰাক্তন মন্ত্ৰী শৰৎ বৰকটকী ডাঙৰীয়াৰ প্ৰয়াণৰ বাতৰিত মৰ্মাহত হৈছোঁ৷ এগৰাকী দক্ষ ৰাজনীতিবিদ তথা নিকা ব্যক্তিত্বৰ অধিকাৰী বৰকটকী ডাঙৰীয়াক বহু বছৰ সতীৰ্থ হিচাপে পাওঁতে তেখেতৰ পৰা বিভিন্ন কথা শিকিবলৈ পাইছিলোঁ৷ তেখেতৰ মৃত্যু অসমৰ ৰাজনৈতিক ক্ষেত্ৰত এক… pic.twitter.com/bc90FqrsSF
— Himanta Biswa Sarma (@himantabiswa) October 30, 2023জ্যেষ্ঠ ৰাজনীতিবিদ, অসম চৰকাৰৰ প্ৰাক্তন মন্ত্ৰী শৰৎ বৰকটকী ডাঙৰীয়াৰ প্ৰয়াণৰ বাতৰিত মৰ্মাহত হৈছোঁ৷ এগৰাকী দক্ষ ৰাজনীতিবিদ তথা নিকা ব্যক্তিত্বৰ অধিকাৰী বৰকটকী ডাঙৰীয়াক বহু বছৰ সতীৰ্থ হিচাপে পাওঁতে তেখেতৰ পৰা বিভিন্ন কথা শিকিবলৈ পাইছিলোঁ৷ তেখেতৰ মৃত্যু অসমৰ ৰাজনৈতিক ক্ষেত্ৰত এক… pic.twitter.com/bc90FqrsSF
— Himanta Biswa Sarma (@himantabiswa) October 30, 2023
বিয়লি প্ৰায় ১.৩০ বজাত টাউকাক নৈৰ দলঙৰ সমীপত তেওঁক ৰাজ্যিক মৰ্যাদাৰে অন্ত্যেষ্টিক্ৰিয়া সম্পন্ন কৰা হ'ব ৷
লগতে পঢ়ক: Veteran Congress leader Sarat Barkataki: প্ৰবীণ ৰাজনীতিবিদ-শিক্ষাবিদ শৰৎ বৰকটকীৰ দেহাৱসান
